2006-мит он Югорск вош эвӑт хәткєм километра вўшн Эсс юхан хонӑңӑн «Суеват пауль» нємуп музей вєрсы. Кашӑң тови щӑта Вурңа хӑт пориӑы, тӑм пўш ищи ар хуят Югорск па Советской эвӑт щи емӑңхӑта юхтыӑс. ыв пӑтэа вухаь хотӑт питӑрн якты-ариты па тынєсты хӑрңӑн вєрсыйңӑн. И пєлӑкн юрн хот омсӑс, еншӑк «Этностарты» нємуп кӑсты тӑхи вәс. Мойң ёх апӑтты пӑты пӑсанӑт омӑссыйт, рат хӑрн соамӑт па шай кавӑртсы, шашлык нємуп єтут шаритсы.

Емӑңхӑт пўншты епийн ар нўм мўв ёх щӑшкан сух юха йирсӑт, ән шуши мир әңхатн ыв ищи авӑман ат тӑйыйт. Щӑта ыв музей хўвӑт яңхсӑт, хута хотӑт, лупасӑт, хот ыпет, пурмасӑт вантсӑт па хурӑт вўсӑт. Каш хӑр Сергей Голин па Нина Рукова пўншсӑңӑн. Вошаң кәща хотн рәпитты хә ӑкмум мира вўща ясӑң лупӑс, вухаь ими рәт ясңан вўща вєрӑс, щӑта вўы авӑты хуят оӑңӑн стихотворение ўңтас па «Вита» нємуп ар арийс. Щи юпийн няврємӑт па вән ёх якты-ариты, нарӑсты па уңӑтупӑт вантӑты пиньщасӑт. Кышик эвӑт нємасыя «Мощ хот» эвет па пухӑт ветсот мутас километр арӑт Югорск вәнты йисӑт па вошаң мира хӑнты щирн арисӑт па яксӑт. Малиновской кәрт эвӑт «Северная нить» нємуп тӑхи имет арисӑт, Советской вош эвӑт «Туес» па «Квинорд» тӑхєңӑна яңхты эвет-пухӑт яксӑт, уңӑтуп вантӑсӑт. Анна Зайцева нарӑсъюхӑн нарӑсӑс, Андрей Коньшин па Александр Бородин китайской па бурятской нарӑсъюхңӑнан юнтсаңӑн, Ольга Афанасьева пеньщарн сєңкӑс. Каш хӑр питӑрн вән ёх па ай хуятӑт әхӑ шәпи навӑртсӑт, юх шәп е тӑхсӑт, вән сәхумн навӑртсӑт, ӛр тасӑт, кўр юхн шәшсӑт, кўсӑң юхн па юх щён юнтсӑт. Ӛхӑт мєт апраң ёх, щӑта ариюм-якум хӑннєхәйт мир ещӑт ишӑксыйт па мойупсэтн мойӑсыйт.