Шуши мирев культура - Культура обско-угорских народов

Мӑнум йиуп о рўтьщӑты хӑтӑт мӑр Касум мўва Нуви сӑңхум район, Россия вошӑт па па хон пєлӑк мўват эвӑт ар мойң мир юхтыӑс. Кӑт семья па хон пєлӑк Турция мўв эвӑт, Белоруссия мўв, Ямал мўв, Омск, Брянск, Екатеринбург вошӑт эвӑт мойң хуятӑт вәсӑт.

Мӑнум о ван хӑтуп тыӑщн мўң Касум вош эвӑт няврємӑт пиа Сәрхан района Сытомино па Лямина кәртңӑна яңхсўв па «Шәкӑң ари нумсєм, ма щи хӑйиямєм» нємпи етнхот аьсўв. Тӑм эщӑтум утэв мўң вещи па тӑхия тәсэв. 

Щив хўв ӛш вәс, тухӑң хопн, машинайн, оньщ хўват яңхты карты хопн тәсыюв. Щи пӑта итәх пурмӑсўв шўкаӑсӑт па щив юхтум юпийн нух эщӑтсӑўв. ән етнхотэв тәс щирн вантӑты, нємасыя хот йит мос, хута лампа тўт хот питрӑта мосты щирн хәтӑты пит. 

аңки пос воша яңхмємн ма няврємӑт па айат ёх рўтьщӑты «Фортуна» нємпи хота яңхсум па кәща хә Евгений Захаров пиа путӑртсум.

– Евгений Игоревич, тӑм тӑхи оӑңӑн еша путӑрта.

«Торум Маа» музей рәпатнекӑт кашӑң о «Югра Тур» нємуп вантупсыйн шуши мир пурмӑсӑт вантӑӑт па хӑннєхәйт щитӑт вєрты вәнтӑӑт. Иатн щи вантупсыйн музейн рәпитты нє Наталья Краснопеева пиа вәйтантсум. Югра-Экспо хотн ўв мира «Времена года. Летние ремёсла обских угров» нємуп вантупсыйн шуши пурмӑсӑт оӑңӑн ай павтӑс па мойң ёх лапи вєрты вәнтӑс. Щит вєрта мӑр рәпатай оӑңӑн путрємӑсмӑн. 

– Тӑта арсыр туристической тӑхет эвӑт хӑннєхәйт вәӑт, щи ёха музеев оӑңӑн ай павӑтўв. Щи юпийн аршӑк хуят «Торум Маа» хущи юхтыйӑт. 

VIII-мит Всероссийской Югорской полевой музейной биеннале нємуп мирхот вәум пурайн Ёмвошн «Таежные промыслы» (по материалам этноэкспедиций 2011-2018 гг.)» нємуп вантупсы вәс. Щӑта Илья Абрамов – щит этнограф па хурӑт вєрты хә – хурӑт вантӑсыйт. Щитӑтн вўєң мир па вой-хў вепӑсӑты ёх, щӑта ыв хота па мўв хурасӑт вәӑт. 

«Торум Маа» нємпи катра пурмӑсӑт авӑты хот 30 о постум пурайн Ёмвоша ар мойң ёх юхтыйсӑт. ыв кўтэн Хӑнты-Муши кәртӑң музей кәща нє Алла Васильевна Конева вәс. ўв редакцияева юхтыӑс па мин путӑртсумн.
– Алла Васильевна, нӑң рәпатаен оӑңӑн путӑрта.

«Югра многонациональная» нємуп мирхот вәум пурайн ай эвет-пухӑт авӑты па вәнтӑты ёха «Этноигротека – как одна из форм народной педагогики» нємуп мирхот вєрӑнтсы. Щӑта «О педагогике мансийской игры» нємуп путӑр Виктор Прокопенко (Екатеринбург) путӑртӑс. ўв «Народные виды спорта» нємуп тӑхийн УрГПУ хущи рәпит, педагогической наука тохтўра па профессора вә. Щи ики тумпи Татьяна Волдина, Светлана Попова, Надежда Молданова па Евдокия Нёмысова юнтутӑт оӑңӑн ай павӑтсӑт. Николай Тасьманов мирхотӑң мир хӑнты юнтутӑтн юнтты вәнтӑс.

Ёмвошн ван хӑтуп тыӑщн олюпн хур хӑншты ики Геннадий Райшев музей хотн хӑншӑң йиңӑт, хинтӑт, воньщпӑт, онтпӑт аӆьты вантупсы вәс.  Тӑта мир шуваӑты кєша «Торум Маа» йис пурмӑсӑт тӑйты хот эвӑт па Амня вош эвӑт арсыр тунты эвӑт ёнтум утӑт тәсыйт. Щӑта ёх катра йис воньщпӑт, йиңӑт па сәнӑт вантсӑт. 

Апа, кашӑң хӑннєхә пӑта ван хӑтуп тыӑщ – щит пура, хән мўң о мӑр эщӑтум вєрўв, нумӑсўв тәса етшуптӑты ӑңхаўв. Щи тумпи тӑм юхи хӑщум тыӑщн мєт ар сыр-сыр вәйтантупсэт, вәнтӑты хӑрӑт, мирхотӑт па па утӑт вєрыйт. Щиты мӑнум о ван хӑтуп тыӑщ 14-16-мит хӑтӑтн «Югра ыңуптӑты» оса рәпата тәты тӑхийн «Наследие Югры» нєм-пи округев мўв йис вєрӑт тәты тӑхи ёх унтасн әмӑщ вәйтантупсы вәс. 

50 о мӑнӑс щи вўш эвӑт, хән юхи хӑщум артӑн Сәрхан районӑн Сытомино кәрт пўңӑн Пўпи якты хот вєрӑнтсы. Щит Дарко-Горшково кәртӑн вәс, ин тӑм кәртӑн нємхуят па ӑн вә. Вәната ювум хуятӑт щи хӑт яма нәмэ: хӑнты арӑт, хурамӑң якӑт.