Шуши мирев культура - Культура обско-угорских народов

Иисус сєма питум емӑңхӑт епийн Мегион вошн йис пурмӑсӑт ӑкӑтты па шавиман тӑйты «Югра» нємуп хот пўңӑн вошӑң шуши няврємӑт ияха ӑкӑтсыйт. Пушхӑт пӑты тӑта моньщ иты Казамкинӑт вәнт кәрт нємпи әмӑщ юнтӑң хӑр эщӑтсы. Няврємӑта увӑс мир йис вєрӑт вантӑсыйт, юнтӑң па ӛращты вєрӑта вәнтӑсыйт. Щӑта кашӑң няврємие ёшңӑан ай хурамӑң мойупсы вєрӑс.

Тәня юхи хӑщум тыӑщн Югра мўвӑң опера арӑт ариты ими Софья Шесталова «Избранное» нємпи киника єтӑс. Щит ўв вухаь мир поэт Юван Шесталов шәңӑт 80 оа йиты пӑты эщӑтӑс.

Мӑнум о ван хӑтуп тыӑщ округев емӑңхӑт пурайн Екатеринбург вош кӑши-мәш тӑйты ёх ямӑты хотн «Ариты вєр — тӑаңа вәты щирєм» нємпи арӑң вәйтантупсы мӑнӑс. Тӑта мәшӑң хуятӑт ещат оперной щирн арӑт ариты нє, сыры оӑтн Югра мўвн вәты имие Раиса Александровна Квашнина арӑт вантӑс.

Ас потты тыӑщн Ёмвошн Югра писателят тӑхи 20-мит оа ювум емӑңхӑт постӑсы. Щи пурайн ямкєм ар хӑннєхә округев па Россия арсыр вошӑт эвӑт тыв киникайт хӑншты ёх вәйтантупсыя юхтыйсӑт. ыв кўтэн ма Альбина Семёновна Кузьмина пиа вәйтантыйсум па ўв пиэа путрємӑсум, муйсӑр вєрӑт литература щирн вошен йипа эщӑтсӑт.

Йиуп о юхӑтты єпн ван хӑтуп тыӑщ 30-мит хӑтӑн 2017-мит он Ёмвош районӑн Кышик па Цингалы вошӑтн няврємӑт мӑвӑң мойупсэтн катуптӑсыйт. Щиты «Добрый Югорчанин» па «Дед Мороз Единоросс» нємуп вәйтантупсэт эщӑтсайт.

 Ас потты тыӑщ 24-26-мит хӑтӑтн Нижневартовской район Новоаганск па Излучинск вошңӑнӑн «Россыпи Югры – 2017» нємпи Увӑс мирӑт XII-мит фестиваль вәс. Щит 1993-мит о вўш эвӑт тӑта эщӑты. Щи арат о мӑр 2000 няврєм, вән хуят вантӑсӑт, муй щирн ыв сыяңа ариты, тәса якты, әмща етнхотӑт аьты хошӑт. Щиты ӆыв шуши мирӑт культура ӆавӑӆман тӑйӆӑт па еӆӆы тәӆӑт.

Ван хӑтуп тыӑщ 16-мит хӑтӑн Ёмвоша «Салыкве» («Пешие») нємпи арӑң-якӑң вантупсыя округев эвӑт няврємӑт юхтыйсӑт. Тӑм арӑң па якӑң якхот 2002-мит о вўш эвӑт Югра мўв уваттыйн эщӑтты питсы. Тӑм пўш «Югра ыңуптӑты» оса тӑхи ёх унтасн Ёмвошн вєрсы.

2017-мит о «Тром-Ёван мокут» (Тром Аганской няврємӑт) ариты-якты тӑхи 15 оа йис. Мосӑң хуят лупӑ, хуты щит ар хән па емӑңхӑт постӑты тӑхи ӑн тӑйӑт. Кәртӑң кўлуп ня о юхы лӑп тәхӑрсы, йиуп хот хуна ӑн омӑссы. Тәп ыв нәмӑсӑт, авӑӑт, хәнты йиуп кўлуп хот кәртӑн пўншы. Интӑм ыв пӑтэа щит юрас шєңк ӑн вєр. ыв па тӑхетн йиуп ариты-якты вєрӑт вәнтӑӑт, етнхотӑт пӑта нємасыя ернасӑт ёнтӑт, арсыр емӑңхӑтӑта, етнхотӑта вохӑнтыйт. Хута вєритӑт яңхты, ыв щив иса яңхӑт. Вуаң емӑңхӑтӑт еы па питӑт.

Округ емӑңхӑт пурайн Ёмвошн киникайт ўңӑтты хотн мирхот вәс, щӑта вухаь мир поэт Андрей Семёнович Тарханов шәңӑт хӑншум йиуп ня киника оӑңӑн путӑр мӑнӑс. Мирхотн ўв пухӑ, хиыа, әхӑса па па хуятӑт ӑктӑщийсӑт.

Ас потты тыӑщ 29-мит хӑтӑн Югорской государственной университет киникайт ўңӑтты тӑхийн «Рәт ясӑң сӑмӑңа тӑйты ёх» нємуп вәнтӑты хӑр пўншсы. Тӑм мосты вєр сырыя 2014-мит он Ас-угорской айат ёх унтасн эщӑтсы, ән айат эвет па пухӑт хӑнты па вухаь ясӑңңӑнӑн вәнтӑты щир ат тӑйсӑт. Щи тумпийн рәт ясңӑта вәнтӑты хӑрӑт Ас-угорской институтн, округ ариты, якты, вєрӑнтты ёх хотн, щӑта Нижневартовск, Нягань, Сәрхан па Нуви сӑңхум вошӑтн эщӑтыйсыйт.