Шуши мирев вәԯупсы - Жизнь хантыйского народа

Семён Кузьмич Хандыбин

Ма вән аңщащєм Семён Кузьмич 1914-мит о ван хӑтуп тыӑщ 24-мит хӑтӑн Пәкӑр кәртӑн сєма питӑс.

Ёмвош района Кышик воша яңхмємн Галина Ершова эви опращ нєм Молданова пиа вәтаңа йисум. ўв мӑнєма аще Михаил Ефимович Молданов оӑңӑн путартӑс:

Нуви сӑңхум район Касум вошн 2017-мит о лыпӑт тыӑщ 19-мит хӑт вўш эвӑт ӑшкола кәщая Светлана Николаевна Лапина вә. ўвеа әмӑщ щи ӑшколайн рәпитты, ўв ясӑңа щирн, тӑта ям па нумсӑң ёх рәпитӑт.

Тўкъякӑң кәртєм эвӑт Вуаң Отечественной ая 60 мутас хуят мӑнсӑт, юхи юхӑтсӑт тәп 19 хуят. Щи ёх кўтн Григорий Васильевич Ользин вәс — ма рәт хәем.

Кашӑң о ветеранӑт шима йиӑт. ыв Вуаң Отечественной аь оӑңӑн яма нәмӑт, хутыса тарма рәт мўвев эвӑт вуракӑт вошитсӑт. Мўң ывеа вән пәмащипа лупўв, нємут пурайн ыв вєра ӑн юрємӑўв.

Новьюхов Вунтaр пх Тимопей 1896-мет тӑн Вощрэң ов куртӑн сэма питӑс. Щит ма опращем. Опращем тӑйма вет aпщи. Щит хум ху хуят: вун Мишка, ай Мишка, Пэтaр. Кӑт эви апщи: Нащта па Варя.

Вән кєр тыӑщн 20-мит хӑтӑн Югра мўв йис па йиԯпа єтты нєпекӑт шавиман тӑйты хотн «Хранительница жемчужного слова» нємпи ванԯтупсы вәс. Тӑм әмӑщ вәйтантупсы филологической наукайт доктор, Россия уваттыйн заслуженной учёной, округев хуща почётной ими Евдокия Ромбандеева шәңӑт сєма питум хӑт вўш эвӑт 90 о постӑты пӑты эщӑтсы. 2018-мит о вән кєр тыӑщ 22-митн ўв ән 90 оа йис, тәп о мутас тӑм вуаң вухаь учёной ими сєма питум хӑтӑ вәнта ӑн пӑкӑс вәты.

Ай кєр тыӑщ 26-мит хӑтӑн Югорск вошн вәсум па А.И. Харизова нємуп киникайт ўңӑтты хотн Нина Георгиевна Рукова пиа вәйтантыйсум па путӑртсум. Мос лупты, хуты тӑм вәна ювум ими тӑм о вухаь па рўщ мир ясңӑтн хурӑң словарь стихӑт хӑншты щирн эщӑтӑс па хӑт мӑр няврємӑт авӑты хота яңхты ай пухиет па эвиет пӑта киника єсӑс. Стихӑң нєпекӑт хӑншты вєр тумпийн, Нина Рукова ар о мӑр ай няврємӑт пиа Югорск вошн вўлкємӑс, арсыр тӑхетн вәупсы хўватн вәс па рәпитӑс. Ин шуши мир емӑңхӑтӑт мӑнты пурайн Югорск вошн нєш и щимӑщ пориӑты вєр ўв такаа ӑн па мӑн.

И пўш ўңӑн Ёмвоша Муравленко вош эвӑт и хӑнты ими юхтыӑс. Нєм Римма Алеевна Покачева, эви опращнєм Вылла вәс. ўв «Титул» нємпи тӑхия юхтыӑс.

ООО «ЛУКОЙЛ-Западная Сибирь» нємуп ут «ЛУКОЙЛ» тӑхия ӑңман вә, рәпата хот Когалым вошн вә. Ёмвош па Ямало-Ненецкой округңӑн хущи щи тӑхи рәпатнекӑт 102 мўвн питы вуй хоумтӑт. Щи тухӑпи Тюменской область па Красноярской крайн рәпитӑт. Щи мўвӑтн тӑм рәпата тӑхи арсыр хотӑта па мира вухн нёт. Ёмвош округев правительства щи ут пиа нётӑсты нєпек хӑншӑс, рәт мўвӑтн вәты шуши мир нётӑсты нєпек рўвн вухн мӑыйт. Щи оӑңӑн Константин Беляев пиа путӑртсум, ўв ООО «ЛУКОЙЛ-Западная Сибирь» хотн маркшейдер нємуп хәя рәпит па ар о шуши мира нётты вєр эщӑт.