Шуши мирев вәԯупсы - Жизнь хантыйского народа

Тәня о Сўмӑтвош район Саранпауль кәрта яңхмємн пәьницая уңтыйсум. Кәщайт тумпийн тӑта рәпитты шуши хуятӑт пиа путрємӑсум. Интӑм ыв оңен ай путрӑт нынана хӑншум.

Ай кєр тыӑщ 12-мит хӑтӑн юрн поэт, писатель, вўєң хуят па вўт кәртӑн ӑшкола пўншум хә Юрий Кылевич Вэлла (Айваседа) ән 70 оа йис. Щи хӑтӑн ўв хотӑн, хута пўпия ювма юпийн 2013-мит он музей пўншсы, Атени Собольевна Казамкина ӑңке, Елена Федоровна име, эвиа, хиыа па әхӑса ияха ӑктӑщсӑт. Щи ёх кўтн Ю. Вэлла әхсӑт па әйңӑт вәсӑт, щит антропологӑт Штефан Дудек па Наталья Новикова, кинайт вєрты па айкеӑт хӑншты нє Ольга Корниенко, образования па культура рәпатнекӑт.

Увӑс мир кўтн вуӆаң учёный социологической наукайт доктор нєм тӑйты ики Терентий Герасимович Харамзин вә. Тӑм тынӑң хуятэв еша вәӆ 80 оӆ постӑты питӆ. Ӆўв 1938-мит оӆн вән кєр тыӆӑщн 30-мит хӑтӆӑн. Тэк кәртӑн сєма питӑс.

Тӑм хӑнты хә Югра па Ямал мўвңӑн хущи яма вәӆы. Рўтьщӑты мӑнтаӆ еӆпийн Ас-угорской институтн ар оӆ рәпитӑс. Айӆат хуятӑта иса пурайн нётӑс. Вухаӆь па хӑнты ёх аеӆн-вәнэӆн нєпекӑңа йиты питсӑт. ўв йиӆпа рәпатая юхӑтты кашӑң хӑннєхә пиӆа сӑмн па нумсӑн тӑйты па вәйтты рәт ясӑңӑн путӑртӑс па иньщӑсӑс, мӑта рәт ӆєр эвӑӆт вәӆ.

IV-мит вўєң ёх кӑсупсыйн, муй ут ай кєр тыӑщн Ёмвошн мӑнӑс, Александр Юрьевич Кантеров вўєң хә пиа путӑртсум. ўв Сәрхан район эвӑт, хотӑң ёха пиа Лянтор эвӑт ветъяңкєм километра вўшн вўт кәртӑн вә. Ёмвоша вўєң мир хӑта ўв мойң ёх вўы әхӑн тәтьятыя юхтыӑс. Вўӆыӆаӆ ӆапӑттыя хирӑтн пӑнӑн вўӆы ӆант тәс.

Щиты нәмӑс Владимир Иванов, ўв пиаа иатн Урай вошн вәйтантыйсум. Катра йис вәӆупсы оӑңӑн ки путӑртты, мос лупты, мєт сыры мўв ипийн вәум йис кәртӑт оӑңӑн Н. Витсен, Г.Ф. Миллер, Л.Н. Гондатти, К.Ф. Карьялайнен, С.К. Патканов, К.Д. Носилов па па ученой ёх нєпекӑтн хӑншман вә. Советской лащ пурайн мўң мўвевн Л.Р. Шульц, В.Н. Чернецов, В.И. Мошинская па пасыр археологӑт рәпитсӑт. Тӑм йисн Л.П. Хлобыстин, М.Ф. Косарев, В.М. Морозов, Г.П. Визгалов, Е.М. Беспрозванный па па ёх мўвн арсыр пурмӑсӑт кӑншсӑт. Итәх хуятӑт Кондинской районӑн щит вєрсӑт.

Корлики кәрта яңхмємн ма и хӑнты ими пиа вәйтантыйсум, нєм Валентина Прохоровна Каткалева. ўв ар о пәщта хотн рәпит.

Тәня Ёмвош район Кышик кәртӑн няврємӑт пӑты «Мосум мўв» нємпи рўтьщӑты хӑр рәпитӑс. Кәщая щӑта вәс Антонина Николаевна Никонова.

Тӑм пўш IV-мит вўєң мир кӑсупсыйн Римма Кирилловна Молданова пиа вәйтантыйсум. ўв пиаа тәня «Тыӑщ поры» емӑңхӑтӑн Сәрхан вошн вәтаңа йисум. Щи вошн вәяты шуши мир емӑңхӑтӑта ўв нәлам яңхий. Тәня щи ими емӑңхӑта юхтыум мира камн пурмӑс тыныйс. Тынєсты хӑрн ма сухта эвӑт вєрум аканят шиваӑсум па ўве иньщӑссум, хуйтатн щитӑт вєрсыйт?

Ёмвошн Ас-угорской институтн ай кєр тыӑщ 16-мит хӑтӑн киника ўңӑтты хотн ар мир ӑктӑщсӑт. ыв хуыева юрн мир поэт ики Юрий Кылевич Вэлла (Айваседа) шәңӑт нәмӑмӑты юхтыйсӑт. Тӑм о ўв ән 70 оа йис.  
 

Ин шуши мир арсыр тӑхетн рәпитӑт. Имутыйн Тюмень воша яңхмємн вухаь имие вәтаңа вєрсєм. ўв авӑрт тӑхийн кӑпӑрта. Тӑм хуятэв тәса па яма ар о вән вошн рәпитӑс.