Тәнӆуп тыӆӑщ 27-мит хӑтӆӑн Касум вошн Ресурсной центр хуща вәйтантупсы вәс. Удмурт мўвев эвӑӆт финно-угорской мир мойӊ ёх мўӊ хущева «Культурная мозаика Удмуртии» программа щирн юхтыйӆсӑт.  

Мўӊ сӑмӆўв и вєрн кӑшет, муй вўрн мўӊ ясӑӊӆўв па йис вә­ӆупсы вєрӑт еӆӆы тәты. Тӑта путӑртсы, муй щирн йиӆуп вәӆупсыйн финно-угорской мирӑт йис вә­ӆупсы па рәт ясӑӊ вәнӆ­тӑты вєрӑт әмща вєрты па муй вўрн еӆӆы рәпитты. Вәйтантупсыя мўӊ вош мириев юхтыйӆсӑт, ӑктӑ­щийӆсӑт щи хуятăт, хуй­тат неком­мерческий тӑ­хет пўншсӑт. Ӆыв пу­тӑрт­сӑт, муй вўрн нумӑсн пит­сайт проектӑт хӑншты па па ар мосты вєр оӆӑ­ӊӑн.
Мирхот пўншты пурайн Касум кәща нє Алсу На­зырова вўща ясӑӊ иха ӑктӑщум хӑннєхуятӑта путӑртӑс:

- Вўща вәӆаты! Тӑмхӑтӆ мӑӊхӑтӆ – щит м вєр, нын кӑт мириев ёх иха ӑктӑщийӆсӑты, м нум­сӑт нынана, хуйтат йис вәӆупсы еӆӆы тәӆӑт. 
Рәт ясӑӊ ӆавӑӆман тӑя­ты, йис вєрӆан, сорни яс­ӊӑт, йис путрӑт еӆӆы тў­ва­ты – щит мєт тынӑӊа мўӊ вән Россия мўвев пӑта вәӆ.
Касум мириев кўтн ар нумсӑӊ хӑннєхә вәӆ. Ма нумсємн иса вәӆ Оль­га Александровна Крав­ченко, ӆўв хӑншум сти­хотворенияйт ма иса нәмлум па кашӑӊ пурайн путӑртӆум. 
Тӑта ресурсный центр хуща нумсӑӊ нєӊиет рәпитӆӑт, щимӑщ м па ӆӑщкам хотые пўншсӑт па ин тӑм пищ тӑйӆўв тӑ­та иха вәйтантты, ӆәӆн шуши мирӑта па кашӑӊ хӑн­нєхуята проект нєпека хӑншты вәнӆтӑты па нётты. Нын вєрӆӑн ма ат мӑнӆӑт!

Оӆӑӊмит хӑтӑӆн мойӊ хуятӑт Сәрум воша «Этно­культурный центр «Сорум мўв» вантты ӊхсӑт. 
Евгений Баженов уд­мурт мир ёхӆаӆ пиӆа и ха рәпитӆӑт, тӑта ӆыв мўӊева айкеӆ павӑтсӑт, муй щирн Удмуртия мўвн ӆыв рәпитӆӑт, муйкєм арат вух нётупсы хоӆумӆӑт, юхтум хәева лыв вєрӆаӆ оӆӑӊӑн әмӑщ хәӆӑнтты вәс. 
Мўӊ Касум вошевн ӆыв Анна Истомина хўӆ ӆэщӑтты, артӑсты тӑхия ӊхсӑт па вантсӑт, хутыса щи тӑхи рәпитӆ. «Люкан» нємпи тӑхи кәща нє Татьяна Лю­бавина х юнтутӑт вєрты оӆӑӊӑн путӑртӑс па мойӊ хуятӑт ӆўв хущеӆа щит вантты ӊхсӑт.
Мойӊа юхтум мир музея юхтыйӆсӑт, нюки хотн шайн яньщӆтӑсыйт, щӑӆ­та ӆыв пӑтэӆа экскурсия вєрсы.
Касум нєӊие Екатерина Иночкина путӑртӑс: 

- Амня вошиева Удмурт мўвев эвӑӆт мойӊ ёх юх­тыйӆсӑт. ха кӑт ай рәт мирие вәйтантсўв, мўӊ ма путӑртсўв. Мўӊ проект­ӆўв оӆӑӊӑн лупсўв, муй вўрн рәпитӆўв па ар вєр оӆӑӊӑн путӑртсўв. Щӑӆта ӆыв вән проект вєрты ну­мӑс тӑйӆӑт, щит ки тывӆ, фестиваля, ӆыв мўвеӆ вантты, мойӊа ӊхты вох­ӆыюв. Ӆывеӆа мўӊ хӑнты вәӆупсэв ванӆтӑты, ӆыв мў­веӆ вантты па уша па­вӑт­ты, муй ӆыв вєрты хош­лӑт. Итәх ӆыв ясӑӊӆаӆ мўӊ хӑнты ясӊев пиӆа ха мәс­тӑӆӑт.

Кашӑӊ оӆ мўӊ Россия мўвев, округ мўвев хўват­тыйн вухӑӊ нётупсы вўты щира арсыр кӑсупсэт вәӆӆӑт. Хӑннєхуятӑт проект нєпекӑт ки тывӆӑт, нётупсы вух ёша павӑтты пӑкӆӑт, ӆәӆн шуши мира, вўӆы тӑйты ёха, вой-хўӆ веӆпӑсӆӑты ёха нётты па вәӆупсэӆ ма вєрты.  
Тӑм ванӑн и м айкеӆ тывӑс – Касум вошн кӑт шуши мир община пўншсы. Щит Алексей па Светлана Тарлинӊӑн «Сорни мўв» хотӑӊ ёх община вєрсӑӊӑн па Павел Пяк «Шининату Илина Нотаку» (щит юрн ясӑӊӑн, рўщ щирн «Путь предков») община пўншӑс. 
Путӑр хӑншӑс: 
Светлана Рандымова