Ёмвошн оӊӑт питты тыӆӑщн 27-28-мит хӑтӆӑтн округ вўӆєӊ ёх кӑсупсы вәс. А.В. Филипенко нємпи ӆухн хӑтӑтьӆяты хӑрн Югра хущи XI-мит кӑсупсыя вўӆєӊ ёх округ кәща Кубок хоӆумты юхтыӆысӑт. Щит Нуви сӑӊхум, Сўмӑтвош, Сәрханӆ, Нижневартовской, Ханты-Мансийской, Нефтеюганской районӑт эӆты па Когалым вош эӆты ёх вәсӑт. Тӑта 30 шуши мир вўӆєӊ хә па нє хуятӑт кӑссӑт. 

Вўӆєӊ ёх оӊӑт питты тыӆӑщн 27-мит хӑ­тӑӆн шуши мир вєрӑт әхтыйн Уполномоченной нє Людмила Алфёрова па округевн хӑннєхә вєрӑт әхтыйн Уполномоченной хуят Наталья Стребкова пиӆа вәйтантыйӆсӑт. Щӑӆта вәйтантупсыйн вәсӑт: вой-хўӆ, ӆєтутӑт єнмӑӆты па арсыр веӆпӑсӆӑты вєрăт тәты тӑхи кәща ӆӑӊкӑр хә Александр Зорин; мўв иӆпи питы вуй па газ вў­ты вєр па мўвӑт-автӑт, йиӊкӑт ӆавӑӆты вєр тә­ты департамент эӆты Ев­гений Лавров; округ вәӆупсы вантман тӑйты департамент эӆты Юлия Кошелева.
Наталья Васильевна СВО хущи ӆаӆясты ёх па ӆыв щемьяйӆаӆа нётты вєрӑт оӆӑӊӑн путӑртӑс. Ӆўв шуши мир вўӆєӊ ёх па вой-хўӆ веӆпӑсӆӑты хуятӑт  оӆӑӊӑн ястӑс, ӆәӆн муй щирн ӆыв ӆаӆя аӆ вохсайт. 
Людмила Александров­на путӑртӑс шуши мир йис поры вєрӑт шавиты оӆӑӊӑн, ӆәӆн тўӊа-щирӑӊа еӆӆы вәӆты щира. Еӆӆы путӑр шуши мир ясӑӊ, культура, йис вәӆты пищӑт шавиты оӆӑӊӑн мӑнӑс. 
Алексей Семёнович Тарлин щӑта путӑртӑс: 

- Ма вўӆы ӆавӑӆман вәнтӑн вәӆӆум, вой-хўӆ веӆпӑсӆӑты щира билет тӑйӆум, щӑта печать вәӆ, тәп веӆпӑсӆӑты ӑнт єсӑӆӆаюм. Ма вўӆы ӆавӑӆман вәӆты мўвєм Реестра ТТП ( территория традиционного природо­пользования) щира ӑн хӑншум. Округ кәщаева Руслан Николаевича тӑм оӆӑӊӑн ясӑӊ тәсум. Ӆўв мӑнєма ястӑс, ӆәӆн щит вўраӊӑн мосӆ вәтща округ реестр вєрты. Щи пурайн тәп тӑм вєр еӆӆы мӑнӆ. 
Тӑм вәйтантупсы сух­нум пийн вўӆєӊ ёх нєпекн экзамен хӑншты мӑнсӑт, па хуӆыева хура вўсайт.

Тӑта вўӆы хотӑт омӑс­ӆайт. Кашӑӊ щемья вўӆы хотн ӆєтутӑӊ пӑсан вєрсӑт. Етноӆа хошум хотн ӆєту­тӑӊ анӆаӆ вєрум пӑсанӑта тәсӆаӆ, ӆәӆн нємасыя ко­миссия уӊӑӆӆаӆ ат хой­ӆясӑт па щи пийн ястӑсӑт, мӑта вўӆєӊ хотӑӊ щемья нух питӑс.
Ма тӑта Касум мўвн вәӆты нєӊие Мария Ива­новна Игишева пи­ӆа вәйтантыйӆсум, па иньщӑссєм, муй арат пўш ӆўв тӑмӑщ кӑсупсыя юхтыӆыйс па муйсӑр хӑнты ӆєтутӑт ин вєрсӑт? Ӆўв щи ястӑӆ: 

- Ма тӑм нӆмит пўш щи юхӑтсум. Оӆӑӊ пурайн тӑмӑщ кӑсупсыйн мўӊ оӆӑӊ­мит тӑхи вўсўв па ишӑк нєпекн, м мойӆуп­сэтн мӑсаюв. Мўӊ рәт «Ильбигорская» община ёх, ма щӑта кәщая вәӆӆум. 2016-мит оӆн тӑм оӆӑӊӑн нєпекӑт вєрсум. Тӑта мўӊ ай няврємӑт хӑнты ясӑӊа вәнӆтӑӆӆўв, вәнт вой, хӑр вой веӆпӑсӆӑты пищӑта вәнӆтӑӆӆўв, воньщумут, нохӑр ӑкӑтӆўв па иса шуши мирев вәӆты пищӑт шавиӆўв. Мўӊ шуши мў­вева тәп ӆўӊӑн ӊхӆўв, шєӊк хўвн 150 километ­ра вўшн Касум кәрт эӆты вәӆ. Тӑмхӑтӆ мўӊ соӆамӑт суӆаӊ сорт хўӆ эӆты вєрсўв, рўщ щирн ястӑӆа «салат» па вўрты воньщумутн пунсэв. Хўӆ шаритсўв.  Нрки хўӆ кавӑртсўв, хо­шум йиӊк пиӆа пӑсана омӑссэв. Вўӆы оӊӑт нё­рӑӊ шаритсўв. Вўӆы мўхӑӆ эӆты «торт» нянь вєрсўв. Вўӆы нюхи кавӑртсўв па хошум йиӊкӑӆ вўрты воньщумутн пунсэв. Вўрты вонщумут, мәрӑх саккарн ӆыӆӑтман тәсўв. Хўӆӑӊ па воньщумутӑӊ нянят вєрсўв. Потум мухсӑӊ хў­ӆые па вўӆы нюхи анӑт пӑсана омсӑссўв. Хӑнты кәрн вєрум няние па тох­тӑӊвәӆ лыпӑт шай ка­вӑртсўв. 

Тӑм арат хӑнты ӆєтутые щи вєрсӑт. Щий юхӑтты мойӊ ёх ӆывеӆа сӑма мәстӑты вўӆы хот па єп­ӆӑӊ ӆєтутӑӊ пӑсан «МАХ» мессенджерн нух питты щира па пириӆӑт. 

28-мит хӑтӑӆн А.В. Фи­липенко нємпи ӆухн хӑ­тӑтьӆяты хӑрн Югра хущи вўӆєӊ ёх хурамӑӊ вўӆєӊ әхӑӆӆаӆн тӑта кӑсупсы вєра ӑктӑщсӑт па округ кәща Руслан Кухарук вў­ща ясӑӊ ястӑс. Тӑта Алек­сандр Новьюхов, Люд­мила Алфёрова, Степан Кечимов па ясӑӊ вўйӆясӑт. Ӆыв вўӆєӊ ёха тумтак ёш, тумтак кўр ясӑӊ китсӑт, па ӆәӆн тӑм кӑсупсыйн нух ат питӆӑт.

Тӑмхӑтӆ вўӆєӊ әхӑӆн кӑсты, нымӑӆн ӊхты па карты сєсы омӑсты, тўт х әхӆӑн тўӊа-щирӑӊа пунты па тәты, вўӆы кир­ты па вўӆы мухитты, тын­щаӊ вала тӑхты вє­рӑт ванӆтӑсӑт.
Тӑмхӑтӆ вўӆєӊ әхӑӆн мойӊ ёх тәтьӆясайт.  Нє­масыя якты хот вәс. Тӑта «Ёмвош ёх» па «Моньщ хот» нємпи якты-ариты ёх вәсӑт. Мойӊ ёх кєши тынєсты хӑрӑт рәпитсӑт. Па арсыр кӑсупсы лотӑт вәсӑт.
Етноӆа кӑсупсэт ет­шуп­тум пийн нух питум вў­ӆєӊ ёх мойӆупсэтн мӑсайт.
Округ кәща Руслан Кухарук ястӑс: 

- Шєӊк м вантты, муй арат айӆат вўӆєӊ ёх тӑм кӑсупсыя юхтӑс. Вән хуятӆаӆн ма вәнӆтӑсайт. Щирн шуши мир вўӆы ӆавӑӆты йис пищӑт ӑн тӑруптӑӆӆаӆ.

Тӑмхӑтӆ мєт нух питум хўятӊӑн – щит Сергей Хо­зяинов (Сўмӑтвош район эӆты хә) па Анас­тасия Айваседа (Нижне­вартовской район эӆты юхтум нє). Тӑм хўятӊӑн округ кәщайн Руслан Кухарук мойӆупсэтн па снегохотн мойӆӑсайт.

Хә ёх кўтн па Станислав Пиналей (Нуви сӑӊхум район эӆты) оӆӑӊа пи­тӑс. Ӆўв пеӆн Сергей Хозяинов (Сўмӑтвош район эӆты) вәӆ. Хәӆмит тӑхия Илья Пяк (Нуви сӑӊхум район эӆты) йис.
Нє хуятӑт кўтн Анас­тасия Айваседа (Нижне­вартовской район эӆты) нух питӑс. Ӆўв пеӆн па Людмила Коршункова (Ханты-Мансийской район эӆты). Хәӆмит тӑхийн па Елена Рынкова (Сәрханӆ район эӆты). 

Тӑм нух питум ёх ишӑк нєпекӑтн па вуӆаӊ мойӆупсэтн мӑсайт.

Нємасыя мойӆупсыйн ӆэщӑтсайт:

 «Мєт айӆат вўӆєӊ хә» – Олег Айваседа (Ниж­не­вартовской район эӆты); 
 «Нәптӑӆ вәна вум вўӆєӊ хә» – Даниил Вынгилев (Сўмӑтвош район эӆты).
 «Мєт м вўӆєӊ хот»: 
– оӆӑӊмит тӑхи Кога­лым вош эӆты юхтум вўӆєӊ ёха мӑсы; 
– кимит тӑхи мойӆупсы Сўмӑтвош район эӆты юх­тум вўӆєӊ ёха мӑсы; 
– хәӆмит тӑхи Нуви сӑӊ­хум район вўӆєӊ ёха мӑсы.

Мєт єпӆӑӊ ӆєтутӑӊ пӑсанӑт: 

– оӆӑӊмит тӑхи – Ан­риетта Вагнер (Ханты-Мансийской район); 
– кимит тӑхи – Тамара Вынгилева (Сўмӑтвош район); 
– хәӆмит тӑхи – «Меж­поселенческой центр национальных про­мыс­лов и ремёсел» (Ниж­не­вартовской район эӆ­ты). 

Тӑм нух питум ёх ишӑк нєпе­кӑтн па вуӆаӊ мойӆуп­сэтн па мойӆӑсайт.

Путӑр хӑншӑс: 
Наталья Краснопеева