Мўӊ округев кәща хә Руслан Кухарук тӑм йиӆуп 2026-мит оӆ «Айӆат хоттєӆ ёх оӆ» нємн пунсӑӆэ. Щит тӑмхӑтӆ мєт вулӑӊ вєр, мўӊ айӆат ёхӆўв семья тӑйты нумса ат питӆӑт па ар ай няврєм ат єнумӆӑт. 

Ма вантӆум, айӆат ёх кәрт эвӑӆт иса во­ша вәнӆтыйӆты мӑнӆӑт па щӑта вәӆты щи хӑщӆӑт. Итәх няврємӑт тәп юхи юхӑтӆӑт.  
Ма Сергей Пяк па Алина Тэвлина пиӆа Касум вошн вәйтантсум. Ӆын Тәрумӆор вошн вәӆӆӑӊӑн, щи айӆат ёх әмӑщ путӑртты хошӆӑт па Алина ӆўв рәтнаӆӑӆ оӆӑӊӑн путӑртӑс:

- Ма Русскинской вошн 1990-мит оӆн Ас потты тыӆӑщн 14-мит хӑтӆӑн сєма питсум. Ма ӑӊкєм – Антонина Дмитриевна, ащєм – Олег Андреевич Тэвлинӊӑн. Ӆын ищи Рус­скинской вош пўӊӑӆн вәнт кәрт хуща вәӆӆӑӊӑн. Ащєм тӑм оӆ тәнӆуп ты­ӆӑщ 23-мит хӑтӆӑн 60 оӆа йис, ӆўвеӆа вән вўща ясӑӊ китӆум. Ӑӊкєм эви опращ нємӆ Мултанова вәс, ӆўв ӑӊкеӆ-ащеӆ Вўтвош хонӑӊӑн вәсӑт, касум восстания пурайн Муравленко хуща вәӆты мӑнсӑт па щӑта вәӆты хӑщсӑт. Ма сәрханӆ хӑнты ясӑӊӑн путӑртӆум па итәх пурайн касум щирн ясӑӊ па юрн ясӑӊ уша вєрӆум. Мўӊ семьяевн нӆ эви –Юлия, ма, Айгуль па Анастасия вәӆӆўв. 

Ма икия 2012-мит оӆн мӑнсум, Тәрумӆорн вән поры вәс. Щи пурайн Ямал мўвев па мўӊ округев пи­ӆа вән проект вєрсы, ӆәӆн хӑнты па юрн мириет иха поры ат вєрсӑт. Мўӊ щи пурайн иха вәй­тантсўв. Ин нӆ няврєм єнмӑӆӆумн: Святослав вән пухиев, Ярославна па Даша эвиеӊӑӆўв па Владик ай пухиев. Свя­тослав па Ярославна кӑт­ӊӑӆам Касум вошн ӑш­колайн вәнӆтыйӆӆӑӊӑн. Мўӊ кәртыев Тәрумӆор пўӊӑӆн, Катучей юхан хуща вәӆ, щӑта мўӊ вў­ӆыӆўв пиӆа вәӆӆўв. Юӆн ма кӑпӑртӆум муй ӆєтут кавӑртӆум, сыр-сыр єпӆӑӊ утӑт няврємӆама вєрӆум, рнасӑт па ӆәмӑтсухӑт пўнӑӊ вўӆы сухӑт эвӑӆт ёнтӆум. Ӆўӊӑн кәртэвн вўӆыета пәсӑӊ иса вєрты мосӆ, няврємӆам пиӆа воньщумут ӑкӑтӆўв.

Щи айӆат нєӊие хура­мӑӊ хӑншиет ӆәмӑтсухӆа­ӆа ёнтӑӆ, ӆўв ӑӊкеӆ хуща вәнӆтыӆӑс, иса вантӑс, муй вўрн Татьяна Дмитриевна вәнтпӑӆ шәӊӑт ёнтӑс. 

Тӑм оӆ Касумн вўӆєӊ ёх мăӊхăтӆ постăты пурайн икет кўтн Сергей Пяк хәӆмит тӑхия питӑс. Имет кўтн оӆӑӊмит тӑхия Али­на Тэвлина йис. Ӆўв сыры ищи Тәрумӆор вошн кӑсӑс, тәп няврємӆаӆ ая вәӆман пурайн ӑн ӊхӑс. Ёмвоша па кӑт пўш кӑсупсыя ӊхӑс.

Ӆын ӑӊкиӆаӆ-ащиӆаӆ мўвеӆ хуща йис вєрăт тўвман вәӆӆӑт. Мўӊ щи семья пєӆа вантман иса амтӑтьӆяӆўв. Нәмӑс­ты мосӆ, муй вўрн тӑта няврємӆўва м вәӆупсы ӆэщӑтты, ӆәӆн шуши мир няврємӑт па кашӑӊ хотăӊ ёх иса ма ат вәсăт. Тәп и­ха катӆăсман рәт мўвев хуща йис вєрӑт еӆӆы вәӆ­ты питӆӑт. Тӑм имет мăӊ­хăтӆ постăты вўраӊӑн м каркам нєӊиета вўща ясӑӊ китӆум. 
Хўв йис, хўв нәпӑт рәт­ӆăн пиӆа тумтака вәӆаты!

Путӑр хӑншӑс: 
Светлана Рандымова