Лыпӑт хойты тыӆӑщ 1-мит хӑтӆӑн Сў­мӑтвош район Тэк кәртӑн Нумсӑӊ хӑтӆ пос­тӑсы. Тӑмхӑтӆ хӑтӆӑӊ хӑтӆ вәс. Хурамӑӊ няв­рємӑт ӑӊкет-ащет пиӆа ӑшколая юхӑтсӑт. Щи тумпи тӑта арсыр оӆӑтн тӑм ӑшкола етшуптум ёх ӑктӑщсӑт. 

Мєт вән амӑт – щит нӆ няврєм веӆщи 1-мит класса вәнӆтыйӆты юхӑтсӑт. Ӆывеӆа хӑтӆ мӑр ай няврємӑт ӊхты эвет-пухӑт м ясӊӑт ястӑсӑт, ӆәӆн ма ат вәнӆтыйӆсӑт! 9-мит классӑн вәнӆтыйӆты няврємӑт ӆывеӆа мойӆуп­сэт мойӆӑсӑт.
Тэк кәртӑӊ ӑшкола кә­ща нє Светлана Леонтьевна То­кушева ӑктӑщум ёха м вўща ясӑӊ ястӑс:

- Вўща вәӆаты, тынӑӊ няврємӑт! Йиӆуп вәнӆ­тыйӆты оӆ пиӆа! Мўӊ, няв­рємӑт вәнӆтӑты ёх, шєӊк ӆӑӊхаӆўв, ӆәӆн нын ма ат вәнӆтыйӆсӑты па нумсӑӊа ат йисӑты! Вантэ, тӑм йисн искусственной интеллект пурайн хӑннєхәя нумсӑӊа вәӆты мосӆ!

Веӆщи 1-мит класса юхтум пушхиет Надежда Валерьевна Броваренко вәнӆтӑты питӆ.
Оӆӑӊмит ӆәӊханьщуп 2-мит классӑн ма вәнӆ­тыйӆты эви Арина Ты­манова мӑс.
Ӛхӑт няврємӑт ӑшко­лая ӆуӊман Россия мўвев оӆӑӊӑн урокӑта мӑнсӑт.
Тынӑӊ эвет-пухӑт, ӑш­колайн вәнӆтыйӆты пура – щит щўӊяӊ пура, тӑта нын пўквайт оӆӑӊӑн уша вєрӆӑты, еӆӆы ӆўӊӑтты вєритӆӑты па арсыр вєрӑт оӆӑӊӑн уша павӑтӆӑты – нумсӑӊа йиӆаты! ма вәнӆтыӆаты! 

Елена Новьюхова хӑншум айкеӆ 
хӑнты ясӑӊа тулмащтӑс: Людмила Гурьева