«Хӑнты ясӑӊ» га­зе­таев ӆўӊӑтты ты­нӑӊ ёх, тӑмхӑтӆ ма ны­нана ма упєм Еле­на Алексеевна Шуль­гина оӆӑӊӑн па ӆўв ӆўӊтарӆаӆ па ама­мат­щет хӑншӆум. 

Елена Алексеевна Шульгина лыпӑт єнумты тыӆӑщ 11-мит хӑтӆӑн 1958-мит оӆн Ямал мўв Ӆорвош район Илья-кәртӑн (Асов кәрт сельсовет) сєма питӑс. Ӆўв вән щемьяйн мєт ай эвия вәс. 
Ащеӆ хўӆ па вой веӆ­пӑсӆуман вәс, ӑӊкеӆ ӆў­веӆа нётӑс. Айтєӆн ай Еля хӑнты ясӑӊ кўтн єн­мӑс, рәт ясӑӊӑн арӑт хә­ӆӑнтӑс, арсыр йис вєрӑт па пўпи якхот вантӑс. Ӆўв ащеӆ Алексей Семёно­вич Шульгин м веӆпӑс хәя вәс, пўпи якты хот вєрӑн­тӑс. Ӑӊкеӆ Евдокия Степановна (эви опращ нємӆ Тарасова) тәса ён­тӑсты нєӊа вәс, ёнтас­ман иса пурайн арийс, йис путрӑт, монь­щӑт моньщӑс. 
Елена Алексеевна ма ӑшкола етшуптумаӆ пийн Тәпӑӆ вошн рыбо­про­мышленной техни­кумн вәнӆтыӆӑс па вух ӆўӊӑт­ты нєӊа йис. Ар оӆ Асов кәртӑн хўӆ веӆпӑсӆӑты тӑхийн вух ӆўӊӑтты нєӊа рәпитӑс, щӑӆта пенсияя мӑнты еӆпийн хӑтӆ мӑр ай няврємӑт тӑйты хотн завхоза рәпитӑс. 
Вет няврєм єнмӑӆтӑс, и няврємӆ ăнтәма йис, нӆ хуят хуӆыева вәна йисӑт. Юра оӆӑӊмит хиӆэӆ сєма пи­тум пурайн амтӑӊ Елена Алексеевна ӆўв оӆӊӑӆн оӆӑӊмит ӆўӊтарӑӆ хӑн­шӑс. Щи пийн ӆўӊтарӑт хӑншты питӑс. Щитӑт ар су­ва пунӆӑӆэ – арӑт тыв­ӆӑт, щитӑт Асов кәртӑӊ «Ӆа­пӑт эви» ариты тӑхи ёх пи­ӆа арийӆ. Щи тӑхи ёх ван­кўт­ӆы арсыр мӑӊхӑтӆӑ­та ӊхийӆӆӑт. Щи тум­пи Еле­на Алексеевна тәса ён­тӑсӆ, тыянтӑӆ, тунты эвӑӆт ар­сыр хушапӑт вєрӆ, арсыр мос­ты пурмӑсӑт вєрӆ, лек­щитты щира арсыр тур­нӑт ӑкӑтӆ, щирн арсыр ванӆ­тупсэта ӊхийӆ. Хӑнты мир йис вєрӑт ӆавӑӆман тӑйӆ па айӆат ёх щи вєрӑта вәнӆ­тӑӆ, щит пӑта ишӑкты нєпекӑт ёша хоӆумтӑӆ. 
Тӑм товийн ӆўв ще­мьяеӆн Артём хиӆэӆ сєма питӑс, щирн ар хӑншӑс. Щитӑт тӑм ванӑн Е.А. Шуль­гина рәт ӆорвош хӑнты ясӑӊӑн китӑс, ӆўӊтаты! 

Оӆм ар

Тӑм товийн сэма питӑс
Ищки мўвн ай пхие.
вӑс турма ӆыӆӑӆ ёхтӑс – 
Ай эвием ай пшхие
Ай Ас мўвӑӊ хятые,
Хӑнты мирев ай пхие.

Ма тўрсыем хуӆӑнтыя –
Шитак-шитак оӆыӆыя!
Ёшиен ёша виӆыя,
Кўриен кўра виӆыя!
Тумтака нӑӊ энмиӆыя!
Апрӑӊа нӑӊ уӆыӆыя!
Еӆӆы Сорни Наен пиӆн
Шук аӆ ванта, щўнь туп уйта!
Кӑӆтащ Аӊки, ӆавӆые!
Турм Ащи, шавиӆые,
вӑс мирэв ай пхие,
Хӑнты ёхӆан ай щущие!

Умӑщ шек 

вӑс мўвием:
Ищки турмиеӆ, 
Нви ӆоньщиеӆ – 
Сӑмева умащ шек.

Тви прайн:
Нўм мўв воиет
Тый ёхӑттэӆăн –  
Мўӊева умӑщ шек.

Ӆўӊ щўняӊ прайн:
Сорни хӑтӆыет,
Мелӑк турмие – 
Уӆтыя умӑщ шек.

Сўсн мӑнтэӆн
Пеӆӊайт кўтн,
Энмм воиет – 
Вантыя умӑщ шек.

Амаматщет

Ӆўӊӑн па тӑӆн и хрпи сӑх тӑйӆ (Хўӆ).
Сўмӑт иӆпийн вўрты порхӑӊ ху ӆойӆ (Толӑх).

Ут хӑрн эвет нви ер­насн ӆойӆӑт всты хшам пнмеӆ (Сўмтӑт).

х кўтпн ӆанты лопас (Ух).

Катра нэ емӑӆаӆ, яӆп нэ ӑнт емăӆаӆ (х аӊкаӆ).

Шӑнш паӆат ху ас ву­шӑӆ (Порӆи).

Сот ху и эӆты оӆӆӑт (Па­вӑртӑт).

Карты ху ӆявӑтӆ, х ху рупитӆ (Кев пут па ӆый).

Йиӊк иӆпийн кумры хот (Пун).

Кӑт ур хот, кӑт наӊк (Вўӆы пăӆӑт па оӊтӑт).

Щюӊ пăтыйн ӆэӆ Най омӑсӆ (Тўтщаӊ).

Путӑр хӑншӑс: Людмила Гурьева