Вән кєр тыӆӑщ 9-мит хӑтӑӆн Нижневар­товск вош «Нюӆ х» нємпи ӛращты вєра вәнӆтӑты па рўтьщӑты тӑхи пўӊӑӆн Вурӊа имев мӑӊхӑтӆ постӑсы.

Мойӊа па рўтьщӑты щира юхтум мир ещаӆт Югра па Ямал мўв­ӊӑн эвӑӆт вәнт шушийн вәӆты шуши хуятӆўв єтсӑт.

Мєт ар мойӊ ёх Сәр­ханӆ мўв Лянтор вош, Русскинская па Тром-Аган кәртӊӑн эвӑӆт мӑӊ­хӑтӆа юхтыйӆсӑт. Щӑӆта Нижневартовск мўв Аган, Варьёган кәрт­ӊӑн эвӑӆт па Ямал мўв Пуровской район Муравленко, Надым вошӊӑн па Харампур кәрт эвӑӆт нєӊӑт па хәйт няврємӆаӆ пиӆа вәсӑт.

Мєт әмӑщ вәс, хән Сәр­хан мўв Тром-Аган кәрт эвӑӆт «Тром-Ёван-Мокут» па «Тром-Аган эвет» нємуп арӑӊ-якӑӊ айӆат ёх па нєӊӑт якты хӑр ванӆтӑсӑт.
Майяя Александровная Шмидта мўӊ вән пәмащи­па сӊӑт лупты ӆӑӊхаӆўв. Вантэ, ӆўв ар ӛр пунӆ, вән рәпата вєрӆ, ӆәӆн шуши мир йис культура вєрӑт ӆєрамтты па еӆӆы тәты.
Мосӆ ястӑты, хуты Тә­рум-Юхан арӑӊ-якӑӊ нє­ӊиет мӑӊхӑтӆа юхӑтты  ООО «ЛУКОЙЛ-Западная Сибирь» нємуп мўв иӆпи питы вуй па газ вўты тӑ­хийн рәпитты ики Конс­тантин Беляев ма нётӑс. 

Вәнӆата вум ёх тум­пийн мӑӊхӑтӆ постӑты пурайн ай пушхӑт ищи мойӊ мира етнхот аӆьсӑт. Мєт апрӑӊа тӑта тәп-тәп 8 оӆа вум Югория эвие вәс. Тӑм нумсӑӊ па путрӑӊ няврємие ищиты еӆӆы интернет хўват инстаграм @ugoria_7 хуща шуши мир йис вєрӑт па вўт шушийн вәӆты щирӑт ванӆтӑӆ.

Аган юхан хӑнтэт мир эвӑӆт вәӆты вәна пєл­ка вум имие Мария Паповна Сверлова па  «Хун­зи» нємпи шуши мир община кәща Светлана Андреевна Хунзи мойӊа хтум мира ар хошум ясӊӑт лупсӑӊӑн. 

Щи тумпийн мӑңхӑт­а юхтум мира вурңа имев мєт хурамӑң ә­мӑтсухӑт аьсыйт. Тӑта Нижневартовск вошӑӊ па Нижневартовской районӑн вәӆты мир ар­сыр щирн ёнтум вурңа имев хурпи 14 әмӑтсух вантӑсӑт. Артащты ёха щит ӆавӑрт вәс пириты, вантэ, кашӑӊ рнас әмща ӆэщӑтсы. 

Щӑӆта уша йис, хуты оӆӑӊмит тӑхия Росана Сопочина питӑс. «Югра ӆыӆӊуптӑты» оса тӑхи ёх кәща ӆӑӊкӑр нє па артаӆӑты ёх әхтыйн кә­ща Екатерина Жукова ӆўвеӆ тынӑӊ мойӆупсыйн катӆуптӑсӆэ.

Еӆӆы итәх вошӑӊ мир етнхотн ищи вўща ясӊӑт путӑртсӑт.
Мари мир эвӑӆт вәӆты имие па имухты «Марий Ушем» оса тӑхи кәща Ва­лентина Аймурзина мӑӊ­хӑтӆа юхтум мир ещаӆт марийской арӑт па якӑт ванӆтӑс.

Щи тумпийн мӑӊхӑт­ӆа юхтум хуятӑт пӑта шу­ши мир пурмӑсӑт эвӑӆт хурамӑӊ вантупсэт па тынєсты хӑрӑт ӆэщӑтман вәсӑт. Хўӆ, вўӆы нюхи, арсыр воньщумут, сыр-сыр вой сух па па ут Ниж­невартовской, Сәрханӆ районӊӑн, Ямал мўв Пу­ровской мўв эвӑӆт арсыр хурамӑт па сыр-сыр ӆє­тутӑт ӆәтты щир вәс.

Кашӑң оԯ иты няврємиет па иса мойӊ мир пӑта сыр-сыр увӑс мир кӑсупсэт па юнтутӑт вєрӑнтсыйт. Вәнӆтӑты хӑрн няврємӑт х нўвӑт эвӑт мєт м тыхӑт эщӑтсӑт, аканят ёнтсӑт, вурӊа хурасӑт вєрты вәнӆтыйӆсӑт. 

Шуши мир щирӑӆн мӑӊхӑтӆа ӑктӑщум мир єпӆӑӊ ӆєтутӑтн ӆапӑтсыйт па шайн яньщӆтӑсыйт. Хўӆ хошум йиӊк, воньщуму­тӑӊ йиӊк, паӆум па хўӆӑӊ нянь кашӑӊ хӑннєхә тӑта яньщты па ӆєты вєритӑс. 

Вурӊаев мӑӊхӑтӆ пос­тӑты щира вән нётупсы Нижневартовск вош «Югра ӆыӆӊуптӑты» оса тӑхия ӆуӊум ёх тәсӑт. Щӑӆта Нижневартовск вошӑӊ айӆат ёх вєрӑт вантман тӑйты тӑхи, экономика вєрӑт әхтыйн рәпитты хуятӑт па социальной по­литика тӑхи ёх якты хӑра ӑктӑщийӆты нётсӑт. «Нюӆ х» нємпи ӛращты вєра вәнӆтӑты па рўтьщӑты тӑхи рәпатнека мєт вән пәмащипа!

Иха ӆўӊӑтты ки, Вур­ӊаев мӑӊхӑтӆа 2000-кєм хӑннєхә юхтыӆӑс. Ӆыв кўтэӆн Нижневартовск вош кәщайт, округ де­путатӑт па оса рәпата тә­ты ёх.

Тӑмиты мўң вурңа имев мӑңхӑт постӑсўв! Тыв юхтыум шуши па вошӑӊ мир хӑт мӑр кўтэн пу­тӑртсӑт, як хот вантсӑт па тови хошумн рўтьщӑсӑт. 

«Нижневартовск вош «Югра ӆыӆӊуптӑты» оса тӑхи кәща айӆат нє 
Екатерина Жукова хӑншум путӑр 
хӑнты ясӑӊа тулмащтӑс: Ирина Самсонова