Шуши мирев культура - Культура обско-угорских народов

Ёмвошн Ас нопӑтты тыӆӑщн Юван Шесталов нємуп Мемориальной кабинет-музей хуща хӑншты ёх ӑктупсы вәс, щит хӑнты ясӑӊӑн арӑӊ путрӑт хӑншты ики, радиожурналист Владимир Волдин шәӊӑт 85 оӆа вум пӑта. Владимир Семёнович 1938-мит оӆн Сыӊ-Вар нємуп вошн сєма питӑс, щит Назымской сельской Совет Ёмвош округ хуща. Ащеӆ-ӑӊкеӆ хўӆ веӆпӑсӆуман вәсӊӑн. 

Евгений Варьевич Худи – юрн хә. Юхи хӑщум оӆӑтн ӆўв Яр-Сале вошн Ямальской районӑн хотӑӊ ёхӆаӆ пиӆа вәӆ. Мосӆ лупты, хуты тӑм хә Яр-Салинской нӛрум мўвн сєма питӑс па єнмӑс, хән ӑӊкеӆ-ащеӆ щи тӑхет хўватн совхос вўӆы тащӑт ӆавӑӆман тывеӆт-тухеӆт ӊхсӑӊӑн.

Шапша вошн Ёмвош район хуща вәщ тыӆӑщ 8-мит хӑтӆ вўш эвӑӆт 9-мит хӑтӆ вәнта округ кәща кубок пӑта ай хопӑӊ кӑсупсы вәс. Тӑм мӑӊхӑтӆ Ёмвош автономной округ - Югра кәща ёх, Ёмвош район кәщайт, Югра физической культура па спорт хуща рәпитты мир, «ЮграМегаСпорт» тӑхи хуятӑт ӆэщӑтсӑт. 

Вәщ тыӆӑщ 13-мит хӑтӆӑн Ёмвошн «Торум Маа» пурмӑсӑт ванӆтӑты хотн Россия народной мастер нєм тӑйты вәнӆат ими Аксинья Григорьевна Ерныхова пиӆа вәй­тантупсы вәс. Тӑм вәйтантупсы «Торум Маа» тӑхи «Касум ёх» хуятӑт пиӆа иха ӆэщӑтсӑт. 

Россия мўвев хўваттыйн 190 муӆтас арсыр мир вәӆ. Кашӑӊ мир ӆыв культураеӆ, ӆыв йис вєрӆаӆ ӆавӑӆман тӑйӆӑт. Москва хон вошн «Сугрев» нємпи тӑхи ёх нумӑсн юхӑтсыйт Россия мўвевн вәӆты арсыр мирӑт яньщты шай ӆэщӑтты, щиты мойӊ ёх єпӆӑӊ шайт яньщман арсыр мирӑт оӆӑӊӑн уша павӑтты щир тӑйӆӑт. Хутыса ӆыв щит вєрсӑт, мўӊева «Сургев» тӑхийн рәпитты нє Наталья Штыкало путӑртӑс.

Ӆыв 2018-мит оӆ вўш эвӑӆт щи вєр әхтыйн рәпитӆӑт. Щит вєрӆӑт, ӆәӆн мойӊа юхтум ёх щи шай сувенир иты ат ӆәтсӑт. Н. Штыкало лупӑс:

Щимӑщ нєм етнхот тӑйс, мӑта ут лыпӑт єнум­ты тыӆӑщ 9-мит хӑтӆӑн «Югра ӆыӆӊуптӑты» оса тӑхи хотн Маргарита Фёдоровна Рябова (Яркина) шәӊӑт нәмӑӆмӑты щира ӆэщӑтман вәс. Тӑмхӑтӆ ӆўв 65 оӆа ӆәӆн йис.

Ар пўш па арсыр тӑхетн ма иса Татьяна Нюдихасвовна Лар па Елена Хабиевна Уфимцева пиӆа вәйтантыйӆсум. Щитємн кўш мӑта вошєма  айкеӆӑт ӑкӑттыя ат мӑнӆум, щи юрн имеӊӑн па щӑта мутшӑӆум, хуты ӆын арсыр иха юхтум мирӑт еӆпийн якӆӑӊӑн, ариӆӑӊӑн па юнтӆӑӊӑн.Щи киньща тәняӆ оӆ нємасыя ӆын пиӆана вәйтантыйӆсум па айкеӆӑт  вўты щирн иха м хўв путрємӑсўв. Тӑм пўш па ищиты Пуӆӊавӑт вошн вәйтантсўв па щӑӆта нумӑсӆам ӑкӑтсум па ӆыв оӆӊеӆн айкеӆєм хӑщум кўтн нємасыя хӑншты питсум.

Лыпӑт тыӆӑщ ртъяӊмит хӑтӆ вўш эвӑӆт па иса 11-мит хӑтӆ вўш вәнта Пуӆӊавӑт вошн Ямал мўвн мўвтєӆ мир «Нӛрум мўв ӆыӆ» мӑӊхӑтӆ вәс. Щимӑщ вуӆаӊ вєр пӑта мўӊ Ямал мўв шуши ёхӆўв вәӆты-хоӆты щирӑт ӆавӑӆты па еӆӆы тәты тӑхи кәща нє Ольга Владимировна Гизатуллина (Огаркова) пиӆа вәйтантыйӆсўв па ӆўв пиӆэӆа тўӊщирӑӊа путрємӑсўв.

Шуши мир йис вєрӑт ӆавӑӆӆӑт

- Ольга Владимировна, мӑтты айкеӆ нӑӊ оӆӊенӑн мўӊева ин путӑрта?

Лыпӑт тыӆӑщ 19-23-мит хӑтӆӑтн Ёмвошн «Торум Маа» йис пурмӑсӑт шавиты тӑхийн вән мирхот вєрӑнтсы. Щӑта Югра мўвев 13 вош эвӑӆт шуши мир йис пурмӑсӑт тәса вєрӑнтты ёх иха ӑкӑтсыйт. 

Мирхота 67 хуят юх­тыӆӑс, ӆыв кўтэӆн нивӆ хуят вәнӆтӑты хуя­тӑта вәсӑт. Нӆъяӊ кӑт хуят щи хӑтӆӑт етшуптӑты пийн вуӆаӊ нєпекӑтн катӆуптӑсыйт. Щи тумпи лупты рӑхӆ, вәнӆтӑты хӑр пийн «Торум Маа» му­зея 35 хӑннєхә 56 йиӆпа вєрум пурмӑс мӑсӑт. 

Иха ки ӆўӊӑтты, семинар мӑнум мӑр музей хота 427 хуят юхтыӆӑс, щирн мосӆ лупты, щит шєӊк мосты па вуӆаӊ мирхот вәс. 

Унъюган нєпум ай вошн Манстӑр район Ёмвош округ хуща лыпӑт тыӆӑщ 26-28-мит хӑтӆӑтн «III Айпинские чтения» нємпи мирхот вәс, мӑта тӑхийн карты щўӊкӑт мухты па хон пєлӑк ёх ищи путӑр тӑйсӑт. Тӑм оӆн конференция Еремей Данилович Айпин 75 оӆа вмаӆ пӑта вєрса.

Ӆўв хӑнты хӑншты хӑннєхә. Еремей Айпин государства па мир пӑта рәпитты поли­тической деятель, «Союз писателей» тӑхия ӆуӊман вәӆ, политической наукайт кандидат, «Заслуженный деятель культуры Ханты-Мансийского автономного округа-Югры» нєм па тӑйӆ.