Шуши мирев вәԯупсы - Жизнь хантыйского народа

Ас нопӑтты тыӆӑщн Вуӆаӊ Отечественной ӆаӆьн нух питум хӑтӆ вўш эвӑӆт 80 оӆа йиӆ. Россия мўвевн 2025-мит оӆ «Мўвев ӆавӑӆты ёх оӆа» аӆьщӑӆы. Югра мўвев кәща Руслан Кухарук тӑм оӆ «Йис вєрӑт нәмман тӑйты оӆ» нємн пунсӑӆэ.

Мўӊ округ кәща ёх­ӆўв па мўӊ мирев ӆаӆя мӑнум ёха па ӆаӆь хӑрн вәӆты хуятӑта нёт­ӆӑт. Кашӑӊ кәрт эвӑӆт щив нётупсы китӆӑт, во­лонтёрӑт ма нётӆӑт, солдатӑт ӆавӆӑсты щира хоӆупӑт тыйӆӑт, ар мосты щимӑщ пурмӑсӑт па ар м вєрӑт вєрӆӑт. Щи мосты пурмӑсӑт ӆаӆясты хуятӑта китӆыйт.

Советской власть па Коммунистической партия унтасн йиӆуп вәӆупсы ӛш вәйтӑс хӑнты ими. Ӆўв вәӆупсэӆ ин ара па моньща йис. Йина лупӑс хӑнты мир поэт Владимир Волдин:

…Ёша вўты арсыр утн
Сорнеӊ ёшн вєрӑс ими – 
Хӑнты эви, хӑнты ими.
Вәӆты-хоӆты нӑӊ ӑнт пакӆӑн
Апраӊ ёшӑӊ нєӊен такӆа.
Ӆўв ӛрӑӆн
Хәя йисӑн
Интӑм вәӆӆӑн, вәсӑт йисн.
Ӆўв унтасӑӆн
Эвен-пухен
Вәна йиӆӑт, ӛша єтӆӑт
Ӆўв памтупсэӆ – 
Нумсӑӆ ухен.

Тэвлинӑт хоттєӆ ёх – мир лекщитты ёх. Тӑӆантєӆн ӆыв 73 оӆ мӑр Русскинская кәртӑн мир лекщитман па мӑӆтман вәӆӆӑт. Щит кӑт хӑннєхә: Тамара Сидоровна Тэвлина, 37 оӆ кәртӑӊ пәӆьницайн мир лекщитӑс, па Людмила Николаевна Покачева (Тэвлина), 36 оӆ мӑр па тӑмхӑтӆ вәнта Русскинская кәрт леккар хотн мира нётман вәӆ.

Щит вән сӑмуп, кар­кам ёшпи, пӑсты кўруп тохтўрӊӑн – Тама­ра Сидоровна Тэвлина (опращ нємӆ Сардакова) па Людмила Николаевна Покачева (опращ нємӆ Тэвлина). Ӑӊки па эви.

Имуӆтыйн Нижневартовской район Варьёган кәртӑн рәпатам щирӑтн айкеӆӑт ӑкӑтман ӊхсум па кўтуп ӑшколайн вәӆты интернат хотн няврємӑт хӑтӆ мӑр ӆавӑӆты нєӊӑт пиӆа нємасыя вәйтантыйӆсум па путрємӑсум. Тӑм айкеӆ вєрум нєӊев, нєш, Юрий Кылевич Вэлла – киникайт хӑншум юрн мир поэт шәӊӑт хиӆнє вәӆмаӆ. Щи пӑта сырыя иньщӑссєм, муй нєм тӑйӆ?

Хӑнты хә Геннадий Павлович Кельчин Ямал мўвн Пуӆӊавӑт вошн вәӆ. Мин Москва вошн «Увӑс мўв тащӑт» ванӆтупсыйн вәйтантыйӆсумн. Щӑта ӆўв мойӊ ёх кўрӑӊ вой оӊӑт эвӑӆт пурмӑсӑт вєрты вәнӆтӑс. Ин хәйт мӑӊхӑтӆ еӆпийн ӆўв оӆӊеӆн хӑншты ӆӑӊхаӆум.

Ӆўв рәт ёхӆаӆ оӆӑӊӑн щиты путӑртӑс:

- Ма ӑӊкєм-ащєм хўӆ веӆ­пӑсӆуман вәсӊӑн, тащн ӊхсӑӊӑн, калӑӊ мўв тӑй­сӑӊӑн. Щирн ма айтєӆн щиты вәсум. Мўӊ семьяевн хәт хуят вәсўв – вет пух па и эви. Ма мєт ай, тӑмхӑтӆ нӆ яй эвӑӆт нємхуят ӑн хӑщмаӆ. Упєм ими кўтуп няврєма вәс, ӆўв 83 оӆ вәс, щӑӆта ӑнтәма йис, ма ин атэӆт хӑщсум. 

– Муй атум. Ма щи­рємн, пӑнтэн хӑймен пийн мәстӑӆ щи оӆӑ­ӊӑн пуртємӑты. Урӑк ясӑӊ, урӑк путӑр щӑӆта ӑн тывӑӆ, вєрум вєрӆам хӑннєхә сєма питсӑт. Кашӑӊ ӛш, кашӑӊ вєр оӆӑӊ тӑйӆ, – әмща оӆ­ӊитсӑӆэ ясӊӑӆ Яков Иванович Сенгепов. 

Єнмӑс ӆўв Мосум мўвн. Ӛхӑт вәӆупсы пӑнтӑӆн ӆўв Ӆємӑӊ пєӆа тәсы па Дарко-Горшковӑн колхозн рәпитты питӑс. Каркам па хӑрщи ёшуп хә йиӆуп тӑхийн имухты мутшӑсы. Яков Сенгепов хўӆ веӆпӑс бригадира пириса. Сыры киньща ӆўв вўянтӑс така рәпитты. Кўш ӆўӊ, кўш тӑӆ, сўс муй тови – иса рәпатаитн планӆаӆ тӑрумӆӑт. 

Кышик кәрт вўт оӆӑӊӑн ай хотые омӑсӆ. Щӑта ухӆ вотум пирӑщ ики вәӆ. Кашӑӊ хӑтӆ аӆӑӊа ӆўв ким єтӆ па хот питӑрн пўн сэвты нармӑӆ. Муйсӑр щит ики… Вәйтман тӑяӆн, щит Мосумн мєт сыры коммуниста питум па ар ӛр мир вәӆупсы такамты пӑта миюм хә Кирилл Николаевич Харанзеев. 

– Нәмӆєм, хуты Сыӊ-Вар кәртӑн мўӊ оӆӑӊ пўш колхоз вєрсўв, – путӑртӑӆ Кирилл Николаевич, – вўтн вәӆум ёх амӑтман колхоза вўянтсӑт.

«Хӑнты ясӑӊ» газетаев ӆўӊӑтты ёх!
Ин мўӊ «И рәт – и рәпата» кӑсупсыйн нух питум ёх путрӑт хӑншты питӆўв. Касум кәртӑӊ пух Данил Белкин (11 оӆ ӆуват) йис хӑнты Рандымовӑт рәтэӆ оӆӑӊӑн путӑр хӑншӑс па китӑс. Ӆўв 6-13 оӆ ӆуват кӑсум няврємӑт кўтн оӆӑӊмит тӑхия питӑс. Ин ӆўв путрӑӆ ӆўӊтаӆн!

Йис пура вўш эвӑӆт Ильпикәртӑн Хар­сурт рәт ёх вәсӑт, вўӆы тащ тӑйсӑт, вой-хўӆ веӆ­пӑсӆӑсӑт. Щи пурайн ар хӑнты хуят вәнт кәртӑтн вўӆы ӆавӑӆман, вой па хўӆ веӆпӑсӆуман вәсӑт.

Щиты лупӑс ма упим, ма пиӆнєӊєм, вәнӆтӑты нєӊєм, фи­лологической наукайт кандидат нє, арӑӊ нє, иха рәпитты нєӊєм Людмила Тихоновна Гурьева (Шульгина). 50 оӆ юхӆы тарум ищки Ас хӑӆты тыӆӑщн 27-мит хӑтӆӑн Тихон Константинович Шульгин па Зоя Дмитриевна Лонгортова хуща мєт ай эвие нуви тәрума щи юхтӑс. 

Оксана Ефимова (Маслова) Хулимсунт вошн Сўмӑтвош район хуща сєма питӑс. Ӆўв Ёмвошн кәща хот хуща муниципальной собственность Департаментӑн рәпитӆ. Щӑӆта па Оксана увӑс мирев йис вєрӑт вана тӑйӆӑӆэ. Пиӆӑӊ ёхӆаӆ пиӆа вухаӆь мир йис хӑншет ӆўв тӑм йис ӆәмӑтӆяты сухӑта вєрӑнтӆӑӆэ, щимӑщ вєрӑт вєрты тӑхи нємӆ «АМ•Югорский бренд одежды». Тӑм ванӑн па ӆўв «Колыбель» нємуп проект вєрӑнтӑс, щӑта ищи йис вєрӑт пиӆа рәпитӑс.