Шуши мирев вәԯупсы - Жизнь хантыйского народа

Ёмвош округ увӑс пєлӑкн Касум мўвн и хонӑӊӑн кӑт ай вошие омӑсӆӑӊӑн. Тәрум ӆор вош па Вўтвош, щӑта хӑнты па юрн мир вәӆӆӑт. Ӆыв хўв йис тєӆн тӑта вўӆы ӆавӑӆман, вой-хўӆ веӆпӑсӆуман, Ная-Вәрта пойкщуман вәӆӆӑт. 

1930-мит оӆӑтн тӑм вошӊӑ­нӑн вухсар єнмӑӆты тӑхи пўншса. Щӑӆта ищи пурайн Вўтвошн хўӆ веӆпӑсӆӑты кєша «1 мая» нємуп артель вєрса. Каркам мир амӑт­ман рәпатая кўншємӑсӑт. Мир атӆ па хӑтӆ хўӆ веӆты апӑрӆӑсӑт. Ар хуят ӆаӊки, вухсар па па войт веӆпӑсӆӑсӑт. 

Ван хӑтӆуп тыӆӑщн 2018-мит оӆн Касум вошн «Харсурт ёх» нємпи киника єтӑс. Щит Рандымовӑт рәт ёх ӆэщӑтсӑт. Ӆывеӆа Касум вошӑң киникайт ӆўңӑтты хот ёх нётсӑт «Малая культурная мозаика Белоярского района» нємпи кӑсупсыя щи проект китты. Щӑта вухӑң нётупсы хоӆумсӑт. Щи вухӑт унтасн киника єсӑӆсӑт.

Щи киникайн Рандымовӑт вән рәт ёх оӆӑңӑн хӑншман вәӆ. Иса хоттєӆ хуятӑт киника пӑта катра па тӑм йис хурӑт кӑншсӑт. Киника ӆэщӑтты ӆывеӆа Елена Терентьевна Федотова нётӑс. 

Хӑнты ими Акулина Павловна Яврова тӑм оӆ ай кєр тыӆӑщ 20-мит хӑтӆӑн 85 оӆа йис. Ӆўв ар оӆ мӑр Нуви сӑӊхум район Ваньщавӑт кәртӑн вәс, вухсар хотн рәпитӑс. Ӛхӑт оӆӑтн Людмила эвеӆ пиӆа Нуви сӑӊхум вошн вәӆты питӑс.

Ай кєр тыӑщ 27-мит хӑтӑн Ан юхан кәртӑн Сўмӑтвош районӑн рәпатаем щирн вәсум, хута ар пєлӑк вухаят вәӑт. Сырыя нємасыя щи кәртӑң кәща нє Татьяна Рукова (Гындыбина) пиа вәйтантыйсум па путрємӑсум.

Тӑм ванӑн Ёмвошн Россия мўв шуши мир рәт ясӊӑт оӆ пўншум пурайн тыв арсыр мирӑт юхтыйӆсӑт. Ӆыв кўтэӆн Красноярской мўв увӑс мирӑт вәӆупсы вантман тӑйты уполномоченной хә Семён Пальчин вәс. Ӆўв ай тәс, муй щирн Красноярской край мўвн шуши мирӑт вәӆӆӑт.

И пўш вантупсыйн Советской район эвӑт вәум вєртутӑң хә пиа вәтаңа йисум. ўве Миша нємн аьщӑэ, нєм нєпекӑ хущи Хайдарян Хайдарьянович Хужахметов хӑншман вә. Щимӑщ нємӑ пӑты иса сащн ӑн юхӑтыйн, хуты ўв вухаь рәт тӑй. Ӛхӑт путрӑ эвӑт уша йис, ӑңке Дунаев рәт эвӑт вә. Щимӑщ опращ нємуп ёх катра йис вўш эвӑт Свердловской область па Ёмвош округн Советской район хущи вәӑт. 

Обской угрӑт культурайн овӑң вєр вә… Нумӑс вә, катра йисн угрӑт лесостепь хущи вәсӑт па щӑта овӑт тӑйсӑт.  И щурӑс оӑт кўтупн ыв ова пиа Увӑс мўва касӑсӑт па щӑта вәум шуши мир пиа ияха ытӑссӑт, ӛхӑт щи мир эвӑт хӑнтэт па вухаят тывсӑт…  
300 о мӑр Приобье мўвн приобской нємуп овӑт вәӑт.  Па щирн ыв «нарымчанка/нарымка»  па «приобская вогулка» нємңӑнӑн аьщӑыйңӑн. Щи овӑт ищки мўвн вәты вәнсӑт, оньщ ипи эвӑт єтут хоумты хошӑт.

Сӑран ики Сергей Васильевич Попов тӑм оӆн 90 оӆа йиӆ. Ӆўв хәӆумхущъяң оӆа ювмаӆн вәнт шушийн вўӆы ӆавӑӆман вәӆты па рәпитты питӑс па ин вәнты щӑта щи вәӆ. 

Ма Сергей Васильевич пиӆа Нуви сӑңхум район Касум вошн вўӆєң ёх емӑңхӑтӆ пурайн вәйтантыйӆсум. Щи хӑтӆӑн ӆўв район кәщайн Сергей Маненковӑн ишӑк нєпекӑн мӑсы. С.В. Попов емӑңхӑтӆа Евдокия эвеӆ па Надежда хиӆнєңӑӆ пиӆа юхтыӆӑс. 

Сәрхан мўвн Русскинской вошн лыпӑт хойты тыӑщн 1990-мит он Сургутской район райисполком поступсы щирн Тәрум юхан хӑнтэт вәупсы уша вєрты щира национальной центр культура вєрӑт әхтыйн  пўншса. Мєт оӑң кәщая тӑта сәрхан хӑнты ими Лидия Ивановна Сопочина вәс. 

Сергей Алексеевич Покачев Ими-Ягун вўт кәртӑн сот мутас вўы авӑман вә. Щи тумпи хў вепӑсӑ. 

ўв пиаа ма Русскинской кәртӑн вўы ёх кӑсупсыйн вәйтантыйсум. Щи пурайн ўв тынєсты хӑрн вўы нюхи, арсыр хуӑт, воньщумутӑт, ёшн вєрум хурамӑң пурмӑсӑт тыныйс.