Шуши мирев вәԯупсы - Жизнь хантыйского народа

Марина Николаевна Захарова (эви опращ нємӆ Молданова) Нуви сӑңхум район Касум вошн ӑшколайн няврємӑт вәнӆтӑты нєңа 2004-мит оӆ вўш эвӑӆт рәпитӆ. Мин мӑнум оӆн вәйтантыйӆсумн па рәпатаеӆ оӆӑңӑн путӑртсумн.

М. Захарова Касум вошн 1976-мит оӆн ай кєр тыӆӑщ 17-митн сєма питӑс. Ӑңкеӆ-ащеӆ вўӆы ӆавӑӆсӑңӑн, щирн Марина ӑшколайн вәнӆтыйӆмаӆн интернатн вәс.  Класса 20 няврєм яӊхӑс, ӆыв Тәрумӆор вош, Вўтвош, вәнт шушет эвӑӆт вәсӑт. 

Валентина Ивановна Пащанина (Алексеева) – хәрӑң хӑнты нє, ўв Октябрьской район Шӑншвош эвӑт вә. Тәня Ёмвоша пурмӑсӑт вєрты мирхота юхтыӑс, хута ўв пиаа вәйтантыйсум.

Ар пўш мўң хӑнты газетаевн тәса ёнтӑсты ими Агафья Александровна Волдина оӑңӑн хӑншсўв. Тӑмхӑт ма ўв эве Галина Семёновна Волдина оӑңӑн путӑр тәум. Тӑм ими пиа па Манстӑр вошн вәтаңа йисум. Интӑм ўв Тюменьн вә па Увӑс мир культура тәты имет пиа арсыр вошӑта, кәртӑта яңхӑ па шуши мир шўкщӑты вєрӑта вәнтӑ.

Галина вәщ тыӑщ 9-митн 1965-мит он Вән Аңкум вошн сєма питӑс. ыв семьяен ня няврєм вәс. Галина щиты ай оа оӑңӑн нәмӑмӑсэ: 

Ипўш ма няврємӑта лупсум: «Ӑңкиа оӑңӑн нәмӑматы па ўңтарӑт хӑншаты!» Ветмит классӑн вәнтыйты пух Иван Вэлло сәрхан хӑнты ясӑңӑн щимӑщ хурамӑң ўңтар хӑншӑс:

Ӑңкәэм

 

Ма ӑңкәэм – мама!
Ма нӱңат пиӽәртәәм,
Йәңкат па туәм.
Тӱӽәт йухат па туәм.

Ма ӑңкәэм – мама.
Ма нўңат ӑңкәм.
Нӱң мантэма мосән,
Кӱҷ сот о вӑа!

Касум мўвн Амня вошн Данил Николаевич па Ульяна Гордеевна Ерныховңӑн вәсңӑн. Тӑм хоттє ёх ӑңки Ульяна Гордеевна вухаь ими Ленгина рәт эвӑт Щекурья ай вошн вәс. ын вой-хў вепӑсӑсңӑн па эвең-пухӑң хот єнмӑсӑңӑн. Няврємиеӑн хуыева вән нєпекӑңа йисӑт. Ин тӑм хӑт ыв арсыр тӑхетн рәпитӑт. 

Маргарита Ковалюк педагог-психолог щирн па Лариса Дяк ай няврємӑт хӑт мӑр авӑты хотн Ванзетур кәртӑн рәпитӑңӑн. Муй щирн па хуты ын ай пухиет па эвиет авӑты хот пӑта арсыр йис пурмӑсӑт ӑкӑтты тӑхи пўншсӑңӑн, щи вєр оӑңӑн мӑнєма путӑртсӑңӑн.

Тюмень вошн вәты нє Любовь Абасова ая вәма пурайн ӑңкен кашӑң ўңӑн аңкаңке хущи Пәкӑр кәрта Сўмӑтвош района тәтьясы. 

Хӑнты нє Раиса Германовна Решетникова 16 мутас о мӑр «Хӑнты ясӑң» па «Луима сэрипос» редакция кәща нєңа вәс. Тәнуп тыӑщ 18-мит хӑтӑн ўв 60 оа йис. 

Раиса Германовна Сўмӑтвош район Тўтлейм кәртӑн сєма питӑс, Ваньщавӑт кәртӑн єнмӑс. Ӑшкола юпийн Шадринск вошн пединститут етшуптӑс. Щи тумпи Москва вошн аспирантурайн вәнтыӑс, педагогической наукайт кандидат нєм тӑй. Ӆўв Россия мўв журналистӑт Союз тӑхия ӆуӊман вәӆ.

2019-мит оӆн тәнӆуп тыӆӑщн «Хӑнты ясӑң» газетайн кәща ӆӑңкӑр нєңа рәпитум ими Таисья Степановна Себурова 70 оӆа йиӆ. 

Таисья Степановна «Ханты ясанг» нєпека 1973-мит оӆн рәпитты юхтӑс. Ӆўв А.И. Герцен нємпи Ленинградской педагогической институт етшуптӑс па щи юпийн Ваньщавӑт кәртӑн ӑшколайн оӆ мӑр няврємӑт вәнӆтӑс. Щӑӆта Ёмвоша хӑнты мир газетая айкеӆӑт хӑншты вохсы, хута ӆўв 30 оӆ мӑр рәпитӑс. 

Итәх пурайн, хән авӑртӑң вәупсы йита юхӑтӑн па нємутыйн нӑң  пўңэнӑн вәты хӑннєхәйн ӑн нётыйн, щи щосн ищипа мӑтты хуят нӑңена икма, мӑта хә муй нє щиты нёхмӑ: «Мўң арсыр мирӑт кўтн вәўв, щи ёх кўтн ищипа ям па вещкат хуят ямкєм ар, мосӑң, нӑң мӑтты щимӑщ ям хӑннєхә пиа вәйтантӑн па ўв иса нӑң юврая питум вәупсы щирӑн тўңматты вєрит!» Щит пӑта ин ма щимӑщ хӑннєхуятӑт оӑңӑн нынана тӑм щосн айке хӑншты питум.