Ай ӛрамӑт потты тыӆӑщн 9-мит хӑ­тӑӆн йис пурмӑсӑт шавиты «Торум Маа» музей хущи Людми­ла Калистратовна Зубакина (Гришкина) пиӆа «У семейного очага» нємпи вәй­тантупсы вәс.

Людмила Калистра­тов­на Тўкъякӑӊ кәр­тӑн сєма питӑс. Ӆўв рәт ёхӆаӆ па рәт мўвӆ оӆӑӊӑн щиты ястӑӆ: 

- Щащєм Тўкъякӑӊ нє – Анастасия Дмитриевна Гришкина (Лельхова). Щатьщащєм па Тўкъякӑӊ хӑнты хә – Ефрем Гри­горьевич Гришкин. Ащєм – Калистрат Григорьевич Гришкин. Ӆыв ищи Тўкъя­кӑӊ кәртӑн сєма питсӑт. Щатьщащєм 1938-мит оӆн хуӆт пєӆы тәсы, щащєм икеӆ хуӆта тўвум, ӑн па вәйтсӑӆэ. Ӆўв ӆапӑт няврємӆаӆ пи­ӆа атэӆт хӑщӑс, щиты щи вәс, няврємӆаӆ єнмӑӆтӑс. Ӆўв нәптӑӆ 78-мит тӑӆа вӑнтыйс. 
Ащєм ӑӊкєм пиӆа лес­промхозн вәйтантсӑ­ӊӑн па 1950-мит оӆн ха мӑн­сӑӊӑн. Вәӆты щира па Тўкъя­кӑӊ кәрта юхӑтсӑ­ӊӑн. Щи пурайн мўӊ кәртэв Ас кӑт пєлӑкн вәс, вәйт пєлӑкн па вәнт пєлӑкн. Вәнт пєлӑкн звероферма вәс, ӑӊкєм-ащєм щӑта рә­питсӑӊӑн. Ма щӑта сєма питсум. Ӑӊкєм-ащєм яӊ няврєм тӑйсӑӊӑн, вет эви па вет пух, ма – оӆӑӊ эви. Вән хоттєӆн вәсўв. 
Ма ин па нӆ няврєм тӑйӆум. Ӆапӑт хиӆы тӑй­ӆум. Хиӆєм ими тәс. Хиӆ­нєӊєм икия мӑнӑс па ӆўв кӑт эви тӑйӆ, мӑнєма прав­нучкайӊӑн рўщ щирн. 

Людмила ӑшкола ет­шуп­тумаӆ пийн еӆӆы вәнӆтыйӆты щира Пуӆ­ӊавӑт воша ӊхӑс. Щӑта ГПТУ тӑхийн хўӆ ӆэщӑт­ты хуята вәнӆтыйс. Щитӆ етшуптумаӆ пийн рә­питты щира Ёмвоша хўӆ ӆэщӑтты комбината юхтӑс.  
Щӑта Людмила така па ма рәпитӑс, комсомол вєрӑт ма тәс, «Рыбник» нємпи якты хотн нєӊӑт пи­ӆа арийс. Щирн ма, ап­рӑӊа вәӆтаӆ вўраӊӑн ӆўв коммунистической пар­тия кандидата ӆэщӑтса. Щи пурайн ӆўв тәп хәс вет тӑӆ ӆувата йис. 
Тюмень вош эвӑӆт щи пурайн телевидения юх­тыӆыйс. Людмила Калист­ратовна, хӑнты нєӊие, така па ма рәпитмаӆ хўватн щий партса, па щи пурайн вєрум кина ролик ар оӆ мӑр ванӆтӑӆа.

- «Хӑнты ясӑӊ» газе­тая рәпитты Мария Кузь­миничнайн вохсыюм яс­ӊєм ма тӑйтєм вўраӊӑн. Щирн 1994-мит оӆн га­зе­тая корреспондента рә­питты мӑнсум. рхәс оӆ мӑр щӑта щи рәпитсум па щӑӆта пеньщияя мӑнсум, – еӆӆы ясӑӊ тәс Людмила Калистратовна.

Ӆўв щи хурасуп каркам, апрӑӊ хуятые ӑӆ юӆн хән омӑсӆ? Ӆўв ёнтӑсты айтєӆн хошӑс.Тўкъякӑӊ хуща вәӆмаӆ пурайн нє хуятӆаӆа рнасӑт мурта ёнтӑс.
Ин йис пурмӑсӑт ша­виты «Торум Маа» музей хущи вєрӑнтты хӑрӑтн йиӆпа єнумты ай ёх хӑн­ты пурмӑсӑт, ӆәмӑтсухӑт ёнтты вәнӆтӑӆ. Хӑнты р­насӑт ай эвета па ай пухӑта ёнтӑӆ. Муй арат нє ӆўв ёнтум рнасӆаӆн шәшиӆыӆӑт. Людмила Калистратовна Надя хиӆ­нєӊӑӆа нётӑс, аӆяс, муй щирн тәсыева пӑнтӑт па хӑншет рнаса ёнтты. Ин Надежда Коновалова тәсыева хӑнты сухӑт ён­тӑсты, вєрӑнтты хуята йис.

Тӑта вәйтантупсыйн ӆўв ёнтум хӑнты рнасӆ, ухшамӆ, тўрӆопсӑӆ па вәсӑт. 
Йис тўрӆопӑс оӆӑӊӑн Людмила ястӑс: 

- Тӑм йис тўрлопӑс Ма­рия Николаевна Лельхо­ва, щащєм хӑннєӊӑӆ вє­рӑс. Йис сӑк эӆты ӆонӑн ха кӑрӑтман. Щит щащєм эӆты ӑӊкєма хӑщӑс, щӑӆ­та па мӑнєма питӑс.

Людмила «Ёмвош ёх» нємпи ариты тӑхийн муӆ­тыкєм оӆ арийс. Ин тӑм хӑтӆ щи нєӆаӆ ӆўв кєшеӆа нємасыя ар хӑншсӑт па әмӑщ щирн ӆўвеӆа ари­сєӆ. м вўща ясӑӊӑн нє­ӆаӆн путӑртсы.
Тӑм вәйтантупсыя Люд­мила Калистратовна няв­рємӆаӆ, хиӆыӆаӆ, Тў­къя­кӑӊ кәртӑӊ ёхӆаӆ юх­тыӆысӑт па Ёмвошн вәӆ­ты ӆәйӊнєӆаӆ юхӑтсӑт, ӑня лыптӑтн мойӆӑса па әмӑщ м ясӊӑтн ястӑса. Никита Каллистратович Партанов, ӆўв рәт хуятӆ, юхтыӆыйс па мойӆупсыйн мойӆӑсы. 
Мария Эккерт нємасыя Людмила кєши ван пу­тӑр ӆўӊтӑс. Александр Конс­тантинов Югра мўв вәна пєлка вум шуши ёх тӑхийн рәпитты хуят па «Югра ӆыӆӊуптӑты» нєм­пи шуши мир оса тӑхи эвӑӆт м вўща ясӑӊ лупӑс па мойӆупсыйн Людмила мойӆӑса.

Ешӑк Людмила Калист­ратовна, мўӊ нӑӊена тӑӆаӊ ёш, тӑӆаӊ кўр ястӑӆўв!
Уяӊа нӑӊ пушхиеӆӑн пиӆа хўв нәпӑт вәӆа!

Путӑр хӑншӑс: 
Наталья Краснопеева