2025-мит оӆн Экспоцентр нємуп тӑхийн Ёмвошн округев мўв ӆуваттыйн кашӑӊ оӆ мӑр хәйт-нєӊӑт «Товары земли Югорской» тынєсты-ӆәтӑсты хӑр вєрӆӑт. Тәняӆ оӆ сухӑнты кємн ищиты Югра мўвев вән кәща ёх тӑмӑщ вән па хурамӑӊ вәйтантупсы вєрсӑт, хута сыр-сыр єпӆӑӊ ӆєтутӑт, пурмăсӑт муй ӆәмӑтсухӑт ванӆтăсыйт па тынысыйт.

Щи хӑтӆӑтн тынєсты-ӆәтӑсты пӑсанӑт кўтӑтн тывеӆт-тухеӆт ӊх­ман арсыр хӑннєхуятӑт пиӆа вәйтантыйӆсўв па сыр-сыр мўӊева мосты әмӑщ айкеӆӑт ӑкӑтсўв па хурӑт вєрсўв. Имуӆтыйн хӑнтэт ши­ва­ӆӑ­сўв па иньщӑссўв, мӑ­та тӑхи эвӑӆт ӆыв юхӑт­сӑт? 

- Ма опращ нємєм Зоя Никоновна Тарлина, тӑм юхи хӑщум оӆӑтн «Нярса» нємуп рәт па хоттєӆ ёх щирн ӆэщӑтум община тӑхев тӑйӆўв. Мўӊ, вантэ, Касум вошн Нуви сӑӊхум районэв хуща ар пєлӑк вәӆ­ӆўв, воньщумутӑт иса ка­шӑӊ оӆ ӑкӑтӆўв, хўӆ веӆ­пӑсӆӑӆўв па вўӆы ню­хи мос­ты пурайн сопасӆӑӆўв. 
Тӑмӑщ рәт общинаев 2020-мит оӆн веӆщи пўнш­сэв, щи щирн тӑм хӑ­щум кўтн ӆўв вет оӆа тәп йис. Сыры мӑнум оӆӑтн иса и тӑхийн, Касумн вәсўв па нє­муӆты па кәртӑта муй во­шӑта ӑн па ӊхийӆсўв. Тӑта, вантэ, мєт оӆӑӊ пўш округев мўв ӆуваттыйн ӆэщӑтум тӑмӑщ вән ты­нєс­ты-ӆәтӑсты хӑра юхӑтсўв. 
Тыв мўӊ арсыр ӆєтутӑт-пурмӑсӑт, мӑта утӑт рәт община хуща вәӆты ёх­ӆўв вєрӆӑт, тәсўв. Щит, ма сыры тӑта щи ин лупсум: сыр-сыр ӆәмӑсухӑт, потум вўӆы нюхет, сорт хўӆӑт, воньщумутӑт па мўӊ ёш­ӆўвн вєрум юнтутӑт.

- Зоя Никоновна, муй нӑӊ лупты вєритӆӑн тӑм ты­нєсты-ӆәтӑсты хӑра тў­вум ӆєтутӆӑн-пур­мӑс­ӆӑн оӆӑӊӑн? Вошӑӊ хӑннє­хуятӑтн ӆәтӆыйт муй ӑнтә? 
- Ма щирємн, ищипа кашӑӊ ӆєтут-пурмӑс тыв юхтыйӆты хәятн-нєӊӑтн ма ӆәтты питӆыйт. Мўӊ, вантэ, етна пєлка тәп тыв юхӑтсўв. Щи пурайн имухты вўянтсўв тӑм ты­нєсты пăсанӑт хўват­тыйн потӆтум сорт хўӆӑт па вў­ӆы нюхет ӆакки пунты, ӆәӆн вошӑӊ хәятн-нєӊӑтн мсыева ат вантсыйт па артаӆӑсыйт. Щиты щи ӛхӑт муй ӆывеӆа мосмитӆ, щит ӆыв ӆәтты щи нумӑс еӆӆы вєрӆӑт. 
Мєт оӆӑӊӑн вошӑӊ хӑн­нєхәйт мўӊ эвӑӆтэва потум вўӆы нюхи иньщӑсӆӑт, щи пийн веӆщи па ӆєтутӑт муй пурмӑсӑт ӆәтӆӑт. Щи пӑта ар пєлӑк вўӆы нюхи мўӊ мсыева тӑм кўтӑтн еӆ тыныты вєритсўв. 

- Нынана, аӆпа, м тӑмӑщ «Нярса» нємуп хоттєӆ ёх щирн ӆэщӑтум община хуща вәӆты па рәпитты?

- м щи. Мўӊ, вантэ, не­коммерческой тӑхи щи­рӑтн нух хӑншман тӑй­ӆыюв. Тӑмӑщ тынєсты-ӆәтӑсты хӑрн кашӑӊ оӆ мӑр вәӆты вєритӆўв. Ну­ви сӑӊхум районэв увӑс мир тӑхи кәщаитн Ём­воша вохӆыюв, ӆәӆн тӑ­мӑщ рўщ щирӑтн вєрум «Товары земли Югорской» вәйтантупсыйн мўӊ ищи­ты ма тынєссўв.
Шєӊк м, хуты тӑмӑщ вән тынєсты-ӆәтӑсты хӑ­рӑт округевн вєр­ӆыйт!

Мосӆ лупты, Зоя Нико­новна Тарлина ай тӑ­хет потты тыӆӑщ 12-мит хӑтӑӆн Тэк кәртӑн ар няврємӑӊ хот­тєӆ хуятӑт кўтн тӑм нуви тә­рум иӆпия юхтӑс. Ищиты айтєӆн хӑнты нєӊӑт ён­тӑсты муй вєрӑнтты вєра вәнӆтыӆӑс. Ӑӊкеӆ-ащеӆ ищиты хӑн­тэӊӊӑн вәс­ӊӑн. Ащеӆ ка­шӑӊ хӑнты иты хўӆ па вой веӆпӑсӆуман рәпитӑс. Ӑӊкеӆ па ай няв­рємиет хӑтӆ мӑр ӆавӑӆты хотн вәс. Юӆн иса хӑнты ясӑӊӑн ӆыв путӑртсӑт. Щит пӑта кашӑӊ хӑнты нє вєр ӆўв тәса тӑйӆ. Зоя Никоновна шєӊк ма тун­ты пиӆа рәпитӆ. Ӆўв но­хӑр ха ки катӆӑсӆ, ищи­па муӆты вєрӆ. Щӑӆта ӆюмъюх ёша ки вўӆ, ищи­ты щи муӆты м пурмӑсые  ӆэщӑтӆ. Щи киньща, вантэ, ащеӆ ики вой-хўӆ веӆпӑс щирӑтн вәс, ӑӊкеӆ па кашӑӊ пурайн вейт муй тәпрӑт иикеӆа тәса ёнтӑс.  

Щӑӆта ӆўӊ пурайн ар мис па ӆов тӑйсӑт. Щит пӑта шєӊк ар турн сэвӑр­ты щи мосӑс. Айтєӆн Зоя турн хӑрӑтн вәс па сыр-сыр ӆавӑртӑӊ рәпатайт ӆэщӑтӑс.

Хўӆ веӆпӑсӆӑты вєр ӆўв ищи шєӊк сӑмӑӊа тӑйсăӆэ, вантэ, Ай Ас ху­ща єнмӑс. Ӛхӑт Зоя Тэк кәртӑӊ ӑш­ко­лайн нивӑӆмит класс етшуптӑс па еӆӆы щи Ёмвош педагогической училищайн воспитатель нє щира тәса вәнӆтыӆӑс. Зоя Никоновна 30 оӆ мӑр ай няврємӑт ӆавӑӆты хотн Касум кәртӑн рәпитӑс. Яков Тарлин иикеӆ пиӆа хәӆум няврєм єнмăӆсӑӊӑн. Мосӆ лупты, хуты ӆын няврємӆаӆ хуӆыева хәя-воя йисӑт па армияя ӊхсӑт. Ин тӑмхӑтӆ ӑӆ щиты ёш пунман Зоя ӑн па омӑсӆ. Муйкєм вєритӆ, иса рәпитӆ.

Тӑта мосванӑн ӆўв 60 оӆа щи йис. Щит пӑта мўӊ ӆўвеӆа м вўща ясӑӊ кит­ӆўв, Зоя, тумтака па та­ӆӑӊ ёшн-кўрн вәӆа, сєма пи­тум хӑтӆэн ма, ху­рамӑ­ӊа ӆэ­щӑтэ! м ясӑӊ, м пай­ӆы ӛш нӑӊена!  

Путӑр хӑншӑс: 
Владимир Енов