Лыпӑт хойты тыӆӑщн Россия мўвев хў­ваттыйн ай няврємӑт ӆавӑӆты ёх хӑтӆ пос­тӑсы. Щимӑщ рәпатайн тәп нумсӑӊ па каркам хӑннєхуятӑт рәпитӆӑт. Ма няврємӑт хӑтӆ мӑр тӑйты нє оӆӑӊӑн хӑншты ӆӑӊхаӆум.

Нуви сӑӊхум райо­н Сосновка вошн няврємӑт хӑтӆ мӑр тӑйты «Алёнушка» нємуп хотн Амня вошӑӊ хӑнты нєӊие Евгения Юрьевна Тарли­на рәпитӆ. Еня Амня вошн сєма питӑс па єнмӑс. Вән хӑнты семьяйн єн­мӑс, ащеӆ – Юрий Ильич Ерныхов, ӑӊкеӆ – Ан­то­нина Васильевна вәс­ӊӑн. Ащеӆ вой-хўӆ веӆ­пӑс­ӆӑты хәя вәс, вәнт митрайт иса вәсӆэ. Ӆын нӆ няврєм – Любовь, Владислав, Евгения па Альбина єнмӑӆсӑӊӑн. 

Евгения Касум ӑшко­лайн вәнӆтыӆӑс. 1997-мит оӆн А.И. Герцен нє­муп ин­с­титута рәт ясӊӑт па культурология вєрӑт уша вєрты тӑхийн вәнӆтыйӆ­ты питӑс.

- Санкт-Петербург вошн мўӊ, увӑс мир студентӑт, иха вәнӆтыйӆсўв. Щӑта вәнӆтыйӆты пура – щит м пура. Мўӊ, айӆат ёх, иса хурамӑӊ вош вант­ман ӊхсўв, кашӑӊ хӑтӆ института мӑнты ӛш ӆавӑрт ӑн вәс. Вантэ, хўв ӛш, щос мӑр метро карты ӛш хўват па автобусн мӑнты мосӑс, – лупӑӆ Евгения Юрьевна.

Щӑӆта 2018-мит оӆн па ай няврємӑт ӆавӑӆты нєӊа вәнлтыӆӑс па тӑм тăӆ 18 оӆа щи йис, хуты ай няврємӑт ӆавӑӆты хотн рәпитӆ. Пушхиет пиӆа арсыр әмӑщ вєрӑт тәӆ.  

ма рәпиттаӆ пӑта Ну­ви сӑӊхум район вәнӆтă­ты вєрăт тәты тӑхи эвӑӆт ишӑкты нєпек ёша павтӑс.

Тӑм нєӊие ма па тәса хурамӑӊ хурӑт хӑншӑӆ. Мўв-авӑт, вәнт ёх, юханӑт, вой-хўӆ веӆпӑсӆӑты ёх, вәнт войт оӆӑӊӑн хурӑт хӑншӑӆ.

Хурамӑӊ мўвӆ, рәт мирӆ сӑмӑӊа тӑйӆӑӆэ. Ӆўв хӑн­шум хурӆаӆ хущи щит кӑӆ. 
Йис вәӆупсы ӆавӑӆман тӑйӆӑӆэ, няврємӑта иса путӑртӑӆ, муй вўрн рәт­ӆаӆ, опращӆаӆ вәсӑт. Рәт ясӊевн ма путӑртӑӆ па няврємӆаӆ рәт ясӑӊа вәнӆ­тӑӆ. 

Рәпатайӆ хущи ищи вош ёха хӑнты вәӆупсы оӆӑӊӑн путӑртӑӆ. Вәншӑк няврємӑт пиӆа мӑӊхӑтӆӑта шуши мир ай пурмӑсыет вєрӆӑт, ванӆтупсэт ӆэщӑтӆӑт. 
Ӆўв хәт няврєм єнмӑӆ­тӑс. Ӆўв хәӆум няврємӆ: Яна, Елисей па Агата. Щи тумпи апӑлнєӊӑӆ кӑт няв­рєм па єнмӑӆтӑс. Даша па Богдан ин вәна йисӊӑн, рәпитӆӑӊӑн. Щӑӆта и рәт­на ай пухие Игорь ищи єнмӑӆсӑӆэ. Итәх пурайн, мосӑӊ, ӆавӑрт вәӆӆийӆ, вән ӛр мосӆ па сӑмӑӊ хӑн­нєхәя вәӆты мосӆ. 

Тӑм Амня хӑнты нєӊие м, сӑмӑӊ, нумсӑӊ па вещ­кат ими. Вантӆэн, тӑм ӑӊкие иса няврємӆаӆ пиӆа – вошн, иха вәнта воньщумут ӑкӑтты ӊхӆӑт, тӑӆн ӆухн хәхӑтӆяӆӑт, юӆн эвиӆаӆ пиӆа ёнтӆӑт, тыйӆӑт. 
Иха урокӑт вєрӆӑт, па нумӑс тӑйӆ, ӆәӆн няв­рєм­ӆаӆ м па нумсӑӊ хӑн­нєхуятӑта ат єнумӆӑт. 

Евгения Юрьевна хӑн­ты пурмӑсӑт ёнтӑӆ. Няв­рємӆаӆ хурамӑӊ хӑнты рнасӑтн, молщаӊӑтн ёнт­сӑӆэ. Па ӆўв ёнтум пур­мӑсӆаӆ Нуви сӑӊхум во­ша этнокультурной центр хуща ванӆтупсыя китсӑӆэ. 

Евгения па нӑӊ хоттєӆ ёхӆӑн, мўӊ нынана вўща ясӑӊ китӆўв. Па нӑӊ мўӊ рәт мўвев пӑта шєӊк м вєр вєрӆӑн, вән пәмащи­па лупӆўв! Воспитателят мӑӊхӑтӆ пиӆа м па сӑ­мӑӊ ясӊӑт лупты ӆӑӊха­ӆум. Хотӑӊ ёхӆӑн пиӆа ма, тӑӆаӊа, уяӊа-пищӑӊа ат вәӆӆӑты! Тӑӆаӊ ёш, тӑӆаӊ кўр нынана!

Путӑр хӑншӑс: 
Светлана Рандымова