Россия мўв ӆуваттыйн «День работников сельского хозяйства» мӑӊхӑтӆ постӑсы. Касум вошн вўӆы єнмӑӆты тӑхи 65 оӆа йис.

Ар оӆ мӑнӑс, мўӊ сов­хозэв тывӑс, И. Скач­ко нємпи оӆӑӊмит ар­тель 1931-мит оӆн пўнш­са. Щӑӆта 1939-мит оӆн ар­тель И.В. Сталин нємн пун­са па 1958-мит оӆн щит «Правда» колхоз вәс, 1961-мит оӆн – «Ка­зымский» сов­хоз, 2000-мит оӆн – унитар­ное пред­приятие Оле­не­вод­чес­кий совхоз «Ка­зымский», 2004-мит оӆн – «Казымская олене­вод­ческая компания». 

1958-мит оӆн кол­лек­тивизация вєр оӆ­ӊи­тум пурайн хӑнты кәр­тӑтн вәӆум колхозӑт, щит Вўт­вошн (1-е Мая), Хўӆ­ӆорн (Сталин нємуп), Кещ­ӆорн (Калинин нємуп), Помутн (Ворошилов нємуп), Ӆор­вошн (Каганович нємуп), Амняйн (Молотов нємуп) иха кӑрӑтсыйт. Щӑта рәпитты ёх иса Касума вәӆты мӑнсӑт, щиты Касум вошн «Правда» колхоз тывăс. Тыв кәртӑт эвӑӆт рәпитты хуятӑт юхăт­сӑт, кәртӑтн тәп пирӑщ ёх хӑщсӑт. 

Ар пурайн щӑта кәща ёха рәпитсӑт – Василий Каксин, Ми­хаил Вокуев, Владимир Куликов, Алек­сандр Шишкин, Салават Байгузин. 

Ар вошӑӊ мир совхозн рәпитсӑт. Щӑта 13 вўӆы тащ, питы вухсарӑт єнмӑӆты звероферма, мис єнмӑӆ­ты ферма, зоотехникӑт па вой леккăр тӑхи, пилора­ма, хошум ӆәмӑтсух ёнт­ты тӑхи, вой веӆпӑсӆӑты, хўӆ веӆпӑсӆӑты ёх тӑхет рәпитсӑт. 

Вўӆы нюхи, вой сух, вухсар сух кашӑӊ оӆ мӑр еӆ тыныйӆсӑт. Єпӆӑӊ єсум йинк, мис вуй вошӑӊ мира лєтут вәс. х хотӑт омӑссыйт, пилорамайн ишнет, овӑт вєрсыйт.  Ма ая вәсум, нәмӆєм, ащєм совхозн рәпитӑс па ищи щи лупты ясӑӊ план вєрман рәпитсӑт. 

Ай тӑхет потты тыӆӑщ 9-мит хӑтӆӑн кўлупн вәй­тантупсы вєрсы, мӑӊ­хӑтӆ постӑсы. Щив щи хуятӑт юхӑтсӑт, хуйтат пенсияя мӑнты вәнты совхозн рә­питсӑт, хуйтат тӑмхӑтӆ рәпитӆӑт.  

Кўлупн вәна пєлка вум ёх ӑктӑщсӑт, ӆыв пє­ӆаӆа әмӑщ вантты вәс. Ӆыв путӑртсӑт, муй вўрн рәпитсӑт. Катра кәр­тӑӊ ёх совхоз тащ ма ӆавӑӆман тӑйсэӆ. И­ха ар хуят рәпитсӑт па ӆўӊ пурайн кашӑӊ ат вў­ӆэт вантыйӆман вәсӑт. Иса товийн, сўсн, тӑӆн кас­ӆӑсыйӆман ӊхсӑт. 

Ӆыв хуӆыева така рәпитсӑт, кәща ясӑӊ хәӆӑнтсӑт па кўтэӆн м нумӑсн вәсӑт. Щит ӛрӑӊ, тащӑӊ совхоз вәс, хән пенсия пурая йис, ӆыв рўтьщӑты мӑнсӑт. 

Ӆывеӆа шаяӊ пӑсан ӆэщӑтсы, етнхот вєрсы, ай­ӆат ёх арӑт арисӑт, хурӑӊ ванӆтупсы ӆэщӑтсы. 

Кәртӑӊ кәща ими Алсу Хасимовна Назырова вўща ясӑӊ юхтум хуятӑта лупӑс:

- мӑӊхӑтӆӊӑн пиӆа! Тӑм хӑтӆ кӑт мӑӊхӑтӆ постӑсўв. «День работ­ни­ков сельского хозяйст­ва» па Касум вўӆы тӑйты тӑхи 65 оӆа йис. 65 оӆ – щит ар оӆ. Тӑм хӑтӆ мўӊ пәмащи­па ясӑӊ луплўв щи ёха, хуйтат рәпитсӑт па тӑм­хӑтӆ вўӆы тӑйты тащн рәпит­ӆӑт. Ӆыв совхоз йистэӆн вў­ӆы тӑйты вєрӑт еӆӆы тәӆӑт. Ар хуят нын кўтанӑн мўӊ мўвевн така рәпитсӑт, ӆәӆн мўвев ӛрӑӊа па тащӑӊа ат йис. 
Па пәмащипа луп­ӆўв Югра мўвев кә­щая Руслана Кухарука, про­мышленность де­партамент кәщая Виктора Гамузова, Нуви сӑӊхум район кәщая Сергея Маненкова. Ӆыв иса пу­райн мўӊева ма нётӆӑт па совхозн рәпитум ёха тӑмхӑтӆ м вўща ясӑӊ китӆӑт.  

Хўв ӛш вәӆупсы ар хӑн­нєхуятӑт рәпитсӑт, щит хуӆт юрємӑты ӑн мосӆ. Тӑм мӑӊхӑтӆӊӑн пос­тум вўраӊӑн мўӊ вән вў­ща ясӑӊ нынана китӆўв! Еӆӆы тәп аршӑк м нумӑс па ӛр нынана, ӆәӆн тӑм  йис щи вєрӑт нух аӆумты, тўӊщирӑӊа, ма тӑм вєрӑт еӆӆы ат мӑнӆӑт. 

Путӑр хӑншӑс: 
Светлана Рандымова