2026-мит оӆ ртъяӊ тыӆӑщ мӑр Сәрханӆ вошн сӑм лекщитты окружной пәӆьницайн нивӆ щурӑс хӑннєхә мăӆсы. Ӆыв эвӑӆтэӆа 3500 хуят щи пәӆьницая «скорая помощь» тўтӑӊ хопн тәтьӆясыйт.

 Мәшӑӊ хӑннєхә тыв юхӑтты пурайн тохтурӑта сорашӑк рәпитты мосӆ. Вантэ, щит эвӑӆт хӑннєхә еӆӆы вәӆупсы уша йиӆ. Щирн мўӊ атӆ-хӑтӆ мӑр рәпитӆўв, – лупӑс приём­ной тӑхи кәща нє Надина Османова.

Щи тӑхийн иха рә­питӆӑт: реанима­ционной тӑхи ёх, сӑм опе­ра­ция вєр­ты тохтурӑт, рентгенэн­до­васкулярной лек­кӑрӑт па па лекщитты хуятӑт. 

Тӑм оӆ Ас хӑӆты ты­ӆӑщ вўш эвӑӆт щи пәӆь­ни­цайн 550 хӑннєхә сӑма искусственной кровооб­ращения щўӊк унтасн операцияйт вєрсыйт. Щит мєт ӆавӑрт операцияйт. Тохтурӑта шєӊк шак-пака рәпитты мосӆ.

Щи тумпи щи пәӆь­ницайн няврємӑта сӑм лекщитты щира ищи опе­рацияйт вєрӆыйт, ртъяӊ тыӆӑщ мӑр 280 щимӑщ операция вєрсы. Тӑм йис щўӊкӑт унтасн ар няврєм тӑӆаӊ пушхиет иты вәӆты щир тӑйӆӑт.
Иха ки ӆўӊӑтты, тӑм оӆ щи пәӆьницайн 3677 хӑн­нєхәя операция вєрсы.

Здравоохранения департамент айкеӆ хӑнты ясӑӊа тулмащтӑс: 
Надежда Рагимова