Вәйт ӆор тыӆӑщ 22-мит хӑтӆӑн Россия мўвев хўваттыйн вот вой сух мӑӊхӑтӆ постӑсы. Ёмвошӑӊ мир щи хӑтӆ постӑты щира ищи иха ӑк­тӑщийӆсӑт.

Ёмвош кўтуп хӑра вот вой сух пиӆа ар хуят юхтӑс – щит ай пушхиет, ар няврєм єнмӑӆты хот­тєӆ хуятӑт, вәнӆат ёх, оса вєрӑт тәты мир па иса хӑн­нєхуятӑт, хуйтат рәт мўвев мосман тӑйӆӑт. 
Щи хӑтӆ ариты-якты кўтуп хӑрн Россия мўвев оӆӑӊӑн кәща ёхн м яс­ӊӑт лупсыйт, ариты-якты хуятӑтн арӑт арисыйт. Мєт хурамӑӊа щи пурайн Россия мўвев «гимн» нєм­пи ар арисы, щит ар хуят иха арисӑт. 
мӑӊхӑтӆа «Единая Рос­сия» партия хуятӑт, де­путатӑт, «Имет тӑхи» ёх па айӆат хуятӑт ищи юхӑтсӑт. Кашӑӊ хӑннєхә ёшн вот вой сух катӆӑс.  
Щи хӑтӆӑн кашӑӊ хӑн­нєхә СВО хуща вәӆты ёха нётты щира муӆты ут мӑты щир тӑйс. Щи тумпи юхтум хуятӑт Россия мўвев вот вой сух хура хӑншсӑт.
Россия мўвев арсыр во­шӑт эвӑӆт юхтум хуятӑт щи хӑтӆӑн лыжероллер утн кӑссӑт. Щит Ёмвош кўтуп вош хўлыйн вєрсы. Вошӑӊ мир щи кӑсупсы вантты щир тӑйсӑт. Щиты әмща па хурамӑӊа Ёмвошн Россия мўвев вот вой сух мӑӊхӑтӆ постӑсы.

Хӑнты ясӑӊа тулмащтӑс: Надежда Рагимова