Югра хуща «Югра вместе!» вәйтантупсы мӑнӆ, мўӊ округев хўща вәӆты ар мирев иха ӑктӑщӆӑт. Лыпӑт хойты тыӆӑщн 30-мит хӑтӆ вәнта щимӑщ ӑктупсэт мӑнты питӆӑт. Югра мўвн вәӆты мирев щи мӑр пӑкӆӑт арсыр тӑхета ӊхты – щит культурной, спортивной, семейной па общественной ӑктупсэта.

Тӑм пўш вєрум ӑк­тупсыйн щимӑщ вє­рӑт вәсӑт: «Ариты кӑсуп­сы», «Хотӑӊ ёх иха шәшты пӑнт», «Код Югры: изучаем всей семьёй» хотӑӊ ёх вєрӑт, ёха нётты пӑта вє­рум сыр-сыр тынєсты хӑ­рӑт па па ар вєрӑт. Тыв юх­тыйӆты мирева щимӑщ хӑ­рӑтн и щирн – щит вєра әмӑщ, кимӑт щирн па Югра ху­ща йисн вәӆум вәӆупсы па культура уша вєрӆӑт.
Щи ӑктупсы па ӆапӑт хӑтӆ мӑр мӑнты питӆ. Муй тӑхийн нӑӊ воше­нӑн, районэнӑн щимӑщ ӑктупсэт вєрты питӆайт, уша вєрты пӑкӆӑн тӑта – югравместе.рф. Щитӑт кўтн щимӑщ ӑктупсэт вәӆӆӑт, муй тӑхийн «Пушкинской картайн» сухуптӑты пищ вәӆ. Тӑмӑщ тӑхет ищи тӑм тыӆӑщ сухӑнты вәнта вєр­ты питӆайт.
Тӑм ӑктупсы вєрум хуя­тӑт Югра мўвн вәӆты ми­рев тӑм тӑхета вєра ӆа­вӑӆӆайт. Щӑӆта па муй вўрн тӑм вєрӑт ӆыв му­ни­ципалитетӆаӆн вє­рӑнт­сайт, щи оӆӑӊӑн путӑрт­ты мосӆ. Муйсӑр хӑрӑтн ӆывеӆа мєт әмӑщ вәс, щит ищи путӑра ат питӆ.
«Югра вместе!» вєрев – щит хуты щимӑщ пищ, муй вўрн культура хонӑӊӑн мир пиӆа иха вәӆты.

Путӑр хӑншӑс: 
Пётр Молданов