Луговской куттып школа (Ём вош, район) йитып от хуньсита 25 август унта тэсятса. Учителитны директор школа Малышкин М.М. ёш итпины классыт, пар­таит отипны нэрсаит. Сята яма рупитсыт Анд­реева Ф.Е., Чаунина Д.П., Ржанова Л.В. па янас учителит. Сит то­хитпи отынгмит классыт парта ухтытат, классной сохыт няр пум хорасып отипны, а па тахитат парта хосьны хопшат отипны нэрсаит. Ситы версаит школаны сит пата, партаит па клас­сной сохтыт тутн па от иса классытны ситы верта. Симись памтыпсы журналны «Народное образование» уил. 

Тимофеев И.Х. – физкультура учитель шукатым партаит нох тэсятыс па па рупутает верыс. Курыт школаны нох тэсятсаит Трибунны Л.И. – труд туты учитель. Интам школа, нявремыт хуньситатса тэсятман: учебной пособияит иситы нох тэсятсаит, тутн там от ветмит класс эвыт йи­тып программа посны унтлтыйтта нарымта. 

Янас курт эвыт ёхытты нявремыт пита интернат техничкаитны нох шту­катурится, известьны бе­литса. Школа хот итып фундаментны верса.
Школа па интернат отипны нэрым па янас рупутаит пата учителит па техничкаит вох ант вусыт. Сютны Луговской школа государствоя хутым сёрыс молтас экономия мас. 

К. Дабин, 
Ём вош район Луговской школа учитель