Мӑнум оӆ ван хӑт­ӆуп тыӆӑщ 26-мит хӑтӆӑн округ мир ремёслайт хотн «Вєр­тутӑӊ хуят 2024» нємпи шўкщӑты вє­рӑт тәса вәты ёх кўтн кӑсупсыйн нух пи­тум хуятӑт ишӑк нє­пекӑтн мойӆӑсыйт.

Тӑта кӑт вєрӑт хў­ват, щит «Худо­жественная реконст­рукция» па «Народное ис­кусство» пурмӑсӑт ванӆтӑты мосӑс.
Щиты «Мастер года» кӑсупсыя па щи нєм кат­ӆуптӑты щира Нижне­вартовской, Советской, Сәрханӆ, Нуви сӑӊхум районӑт па Ёмвош, Нуви сӑӊхум, Сәрханӆ, Урай, Югорск па Лян­тор вошӑт эвӑӆт йис вєрӑт тәса вәты 60 хӑннєхә ӆэщӑтум 265 пурмӑс кит­сы.

Шўкщӑты вєрӑт вәты ёхн щи пурмӑсӑт мєт ма нух вантсыйт па мєт тәса ӆэщӑтум пурмӑсӑт муй рнасӑт  пирисыйт.
Еӆӆы щи пириюм пур­мӑсӑт хурамӑӊа «Мастер па традиция» нємпи ванӆ­тупсыя лэщӑтсыйт. 

Щӑӆта нух питум хуятӑт тумпийн тыв артаӆӑты ёх па хәнты пурайн ок­руг мир ремёслайт хот пўншты вєра ар ӛр пунум хӑннєхуятӑт па вохсыйт.

Округ ремёслайт хот йиӆуп кәща нє Марина Кабакова ясӊӑт щирн, щит мєт оӆӑӊмит щимӑщ вәйтантупсы, хән тӑта йис вєрӑт тәса вәты нєӊӑт-хәйт ӑкӑтсыйт. 

Щиты уша йис, «Худо­жественная реконст­рукция» вєрн Сәрханӆ вошӑӊ нєӊӑт: Анастасия Анатольевна Редакова, Екатерина Юрьевна Салькова па Татьяна Алексеевна Сердюкова нух питсӑт. 

«Народное искусство» вєрн нух питсӑт: Наталья Андреев­на Ачимова па Галина Александровна Дорош­ко, ищи Сәрханӆ вошӑӊ нєӊӊӑн; Наталья Ва­сильевна Маковецкая па Надежда Михайловна Постика, Ёмвошӑӊ кӑтӊӑн; Галина Александровна Тарасова, Урай вошн вәӆты нє; Татьяна Ер­миловна Тарасова Нуви сӑӊхум вош эвӑӆт па Лидия Ивановна Яскевич, Нижневартовской район Аган кәрт хуща вәӆты ими. 

Нємасыя мойӆупсы «Народное искусство» вєр хўват Надежда Алек­сандровна Коновалова, Ёмвошӑӊ нє; Людмила Николаевна Костина, Нуви сӑӊхум вошӑӊ нє; Людми­ла Николаевна Мелентье­ва, Сәрханӆ вошӑӊ нє; Светлана Владимировна Палей, Сәрханӆ район Лянтор вошн вәӆты нє; Любовь Владимировна Хатанзеева па Валентина Елисеевна Швецова, Ёмвошн вәӆты кӑтӊӑн, мойӆӑсыйт.

Зинаида Григорьевна Агафонова, Нуви сӑӊхум вош; Светлана Николаевна Бражникова, Урай вош; Вера Петровна Гноевая, Анна Илларионовна Зве­рева, Альбина Конс­тантиновна Сабарова па Галина Токчевна Шиянова, Ёмвош; Алиса Нуртдиновна Ионова, Светлана Владимировна Пилюгина, Сәрханӆ вош; Татьяна Валерьевна Коваль, Светлана Ни­колаевна Цуркан, Ольга Владимировна Кочнева па Наталья Юрьевна Алексеева, Советской вош имет; Надежда Ви­тальевна Макарова, Югорск вош па Татьяна Семёновна Уколова, Ниж­невартовской район, Аган кәртӑӊ ими, дипло­мӑтн катӆуптӑсыйт.

Путӑр хӑншӑс: 
Ирина Самсонова