Йиӆуп оӆ пиӆа! Тӑм мӑӊхӑтӆ пурайн мўӊ ар­сыр әмӑщ вєрӑта эвӑӆӆўв. Щи вєрӑтн сыр-сыр тӑхетн вәӆӆяӆӑт – мўв иӆпи питы вуй вўты тӑхи сый, класс хуща няв­рємӑт киникайт лопсӑт кєртыйӆты сый, вўӆєң әхӆӑт мӑнты солӑң сый, ӛрӑӊ-щомӑӊ кӑсты ёх мевӆ посӑт сый, округ рәпитты ёх, хуйтат кашӑӊ хӑтӆ рәт мўвев пӑта така рәпитӆӑт.
Мӑнум оӆн мўӊ иха Югра мўвев йис вәӆупсы хӑншсўв. Мўв иӆпи 13 миллиард тонна арат питы вуй нух таӆсўв – щит иса Россия мўвев пӑта вуӆаӊ вєр. Хәнты щи вєр оӆӊитум ёх иты мўӊ ищиты щи апрӑӊа рәпитӆўв.
Округ вошӑт па кәртӑт кўтн ӊхты пӑта кев ӛшӑт, нурӆӑт йиӆпатсўв, йиӆуп тухӆӑӊ хопӑт ӊхты питсӑт. Няврємӆўв пӑта иса мос­ты хотӑт омӑссўв: йиӆуп ӑшколайт, пәӆьницайт, культура хотӑт па ӛрӑӊа-щомӑӊа йиты пӑта хотӑт. Ёмвошн «Город трудовой доблести» кев хурас, «Россия» национальной центр па Сәрханӆ вошн Ас шәпи «Звезда Оби» нурӑӆ омӑссыйт.
Югра – щит Тәрум Ащевн миюм сащ тӑйты па ӆыпи ӛр тӑйты ёх мўв. Вуӆаӊ Победа 80 оӆ пос­туман няврємӑта тар­ма ӆаӆя­сум ёх оӆӑӊӑн путӑртсўв. Интӑм ӆаӆясты солтатӆўв унтасн еӆ вәӆупсы оӆӑӊӑн нәмӑсты вєритӆўв. Кашӑӊ хӑтӆ мўвев пӑта ӆаӆясты соӆтатӆўва вән пәмащипа лупӆўв. Мўӊ и ёшн ӆывеӆа нётӆўв па эвӑӆӆўв – щит тӑм йисн Россияев пӑта мєт вуӆаӊ вєр!
Югра мўвев 95 оӆ пос­тум пурайн сыры тарма па интӑм щиты щи ма рәпитты ёх оӆӑӊӑн нә­мӑӆмӑсўв, ӆәӆн еӆӆы мў­вев хурамӑӊа па тащӑӊа ат йис.
Йиӆуп 2026-мит оӆ «Ай­ӆат хоттєӆ ёх оӆ» нємн мӑсўв. Еӆӆы ма па вещката рәпитты питӆўв, ӆәӆн няв­рємӑт щўняӊа па кашӑӊ хотăӊ ёх иса ма ат вәсăт. Иха рәт мўвев пӑта тарма рәпитты питӆўв: м вәӆупсы ӆэщӑтты, вән вєрӑт вєрты, йиӆуп мосты хотӑт па утӑт омӑсты. 
Югра мўв тынӑӊ ёх! Сӑм хӑрєм вўш эвӑӆт нынана м ясӊӑт лупӆум, тӑӆаӊа, щўняӊа, и нумӑсн, сыстӑм єтӑр хӑры вәӆаты. 2026-мит оӆн мўӊ аршӑк м па мосты вєр вєрӆўв!
Йиӆуп оӆ пиӆа, Югра мўвев!
Округ кәща хә Руслан Кухарук
Хӑнты ясӑӊа тулмащтӑс: Людмила Гурьева