Интӑм катра пурмӑсӑт ӆавӑӆты тӑхи – щит ӑнтә тәп культура тӑхи, щӑта рәпатнекӑт йиӆуп щирн йис вәӆупсы, пурмӑсӑт ӆавӑӆты вәнӆтыйӆӆӑт. И ищимӑщ вєр – щит «Варьёган кәртӑӊ мир вєншӑт» нємпи хурӑӊ ванӆтупсы.

Щит ӆэщӑтсы, ӆәӆн тыв кәртӑӊ па мойӊ мира әмӑщ юхӑтты ат вәс, тӑм хурӑт унтасн Варьёган кәрт вәӆупсы оӆӑӊӑн уша вєрты рӑхӆ. Муй щирн тӑм кәртые тывӑс, муйсӑр мир тӑта вәсӑт па тарма рәпитсӑт. Хурӑтн мўӊ оп­ращӆўв, вән хуятӑт, мўӊ ӑӊкиӆўв-ащиӆўв, кәртӑӊ мир шиваӆӑты рӑхӆ. 

Тӑм мосты вєр 2015-мит оӆ вўш эвӑӆт тәӆўв, кәртӑӊ па мойӊ мира щит шєӊк әмӑщ вантты. Тӑ­мӑщ хурӑӊ ванӆтупсэт «Ночь в музее», «Ночь искусств» мӑӊхӑтӆӊӑн пурайн ӆэщӑтӆўв. Щи пу­райн кәртӑӊ мир м арат щос артӑн хурӑт вант­ман нәмӑӆмӑӆӑт, муй щирн Варьёган кәрт тывӑс, муйсӑр м хӑннєхуятӑт тӑта рәпитсӑт па па әмӑщ вєрӑт оӆӑӊӑн уша вєрӆӑт.
Мўӊ музей хотэвн кăт щу­рӑс муӆтас хур ӆавӑӆ­ман вәӆ – щит хуӆыева мўӊ кәртӑӊ мирев оӆӑӊӑн. Йис вәӆупсэв ӆавӑӆты пӑта мўӊ рәпатнекӆўв иса муй вєрӆӑт, ӆәӆн кәртӑӊ па мойӊ мира тӑта әмӑщ ат вәс. Йиӆуп вєр тывӑӆ ки, мўӊ нынана имухты хӑншӆўв.  

Зоя Казамкина,
Варьёган кәртăн этнографической парк-музей рәпатнек

Хӑнты ясӑӊа тулмащтӑс: Людмила Гурьева