Сӑм хӑрєм эвӑӆт Йиӆуп 2026-мит оӆ пиӆа м ясӑӊ лупӆум. Тӑм мӑӊхӑтӆ – щит йиӆуп нумсӑт нын пӑтана, хуйтат йис па мурта йис вәӆупсы еӆӆы тәӆӑт. Йиӆуп оӆ – щит йиӆуп вєрӑт тӑм вәӆупсыйн, щитӑт ма ат мӑнӆӑт!
Йиӆуп оӆн ма нын пє­ӆана вантман лупӆум – нын опращӆӑн иты тӑм ищки мўвн ма вәӆаты, ӆавӑӆман тӑяты, ӆыв йис вєрӆаӆ, сорни ясӊӑт, йис путрӑт, моньщӑт, арӑт еӆӆы тўваты – щит мєт тынӑӊ мўӊ вән Россия мўвев пӑта.
2026-мит оӆн нын пӑ­тана ат тывӆӑт:
– Нын вєрӆӑн ма ат мӑн­ӆӑт, нын па хоттєӆ ёхӆӑн тӑӆаӊа ат вәӆӆӑт!
– Вўӆы тащӑтн ар пеши ат омӑсӆӑт, вәнтӑн ар вой, йиӊкӑн ар хўӆ ат питӆ!
– Арсыр мирӑт кўтн ӆәх­сӑӊа вәӆаты!
– Иса муй вєрты вўть­щӑӆӑты – вєраты!
– Опращӆўвн хӑюм тащ ӆавӑӆман тӑяты па еӆ тўваты!
Най-Вәртӑт нынан ат ӆавӑӆӆӑт, хӑтӆ, тыӆӑщ па тәрум тўт нын ӛшӆӑн ат хәтӆӑт! Нын няврємӆӑн кӑрща, ӛрӑӊа, нумсӑӊа ат єнумӆӑт па нын, вән хуятӑт, хәӆӑнтман ат вәӆӆӑт!
Йиӆуп оӆ кашӑӊ хота хошум, уй, мосты вєрӑт ат тәӆ, ӆәӆн еӆӆы мўӊ увӑс мўвев тащӑӊа ат йис!
Йиӆуп 2026-мит оӆ пиӆа, ешӑк хӑнты, вухаӆь па юрн мирӑт!

Тюмень вошн вәӆты «Хәс» ариты тӑхи кәща нє
Любовь Собянина