Ёмвошн оӊӑт питты тыӆӑщн округ вўӆєӊ ёх кӑсупсыя юхӑтӆӑт. 

Щит Нуви сӑӊхум, Сўмӑтвош, Сәр­ханӆ, Нижневартовской, Ханты-Мансийской, Неф­теюганской районӑт эӆты па Когалым вош вўӆєӊ ёх тый юхӑтӆӑт. 
Тӑм мӑӊхӑтӆа оӊӑт питты тыӆӑщн 28-мит хӑтӆӑн 11:00 щосн юхтаты.
Щит вўраӊӑн А.В. Фи­липенко ӆухн хӑтӑтьӆя­ты кӑсупсы вєрты тӑхи нємасыя ӆэщăтӆы.

Тӑм кӑсупсыя 30 югорской вўӆєӊ хә па нє хуятӑт юхӑтты вєреӆ вәӆ. Тӑта вўӆы хотӑт омӑсӆайт. Кашӑӊ щемья вўӆы хотн ӆєтутӑӊ пӑсан вєрӆӑт. Щимӑщ кӑсупсы па питӆ. Щий юхӑтты мойӊ ёх ӆы­веӆа сӑма мәстӑты вўӆы хот па єпӆӑӊ ӆєтутӑӊ пӑсан МАХ мессенджерн нух питты щира пириӆӑт. 
Вўӆєӊ ёх хурамӑӊ вўӆєӊ әхӑӆӆаӆн тӑта па кӑсупсы вєрӆа.
Тӑм кӑсупсыйн тынщаӊ вала тӑхты, вўӆєӊ әхӑӆн кӑсты, нымӑӆн ӊхты па карты сєсы омӑсты, тўт х әхӆӑн тўӊа щирӑӊа пунты па тәты, вўӆы кирты пищ ванӆтӑты па мухӑтты вєрӑт питӆӑт.
Тӑм кӑсупсэтн нух питты хуятӑт округ кәща Кубок мойӆупсыйн па снегоходн мойӆӑӆайт. 

Щи тумпи оӊӑт питты тыӆӑщн 27-мит хӑтӑӆн округевн шуши мир вєрӑт әхтыйн вәӆты Уполно­мочен­ной хуят пиӆа вәй­тантупсы вєрӆа. 
Тӑм мӑтхӑтӑӆн вўӆєӊ әхӑӆн хӑтӑтьӆяты, шуши мир юнтты утӑт вєрты, якты хотӑт, тынєсты тӑхет тый юхӑтты мойӊ ёх кєши рәпитты питӆӑт.

Хӑнты ясӑӊа тулмащтӑс: 
Наталья Краснопеева