Надежда Александровна Коновалова Нуви сӑӊхум район Тў­къякӑӊ кәртӑн сєма питӑс. Тўкъякӑӊ кәрт йис путрӑт щирӑтн «Ӆапӑт Тәрумн ортум мўв, хәт Тәрумн ортум мўв-йиӊк әхтыйн и мўв әх­тыйн» ястӑӆа. Тәхӑӆ ёх па путăртӆăт «Так к» кәрт. Щи кәртые Ас хонӑӊӑн омӑсӆ.

Надежда Александ­ровна хӑнты йис Гришкин рәт хоттєӆ эӆ­ты вәӆ. Аӊщащиӆаӆ па щатьщащиӆаӆ иса вәӆмеӆ хўват рәт мўвеӆн хўӆ па вәнт вой веӆпӑсӆуман вәсӑт. Ӆўв ма хӑнты рәт ясӊӑӆ па йис вәӆты пищӑт вәйтӆӑӆӆэ. Надежда ай­тєӆн ёнтӑсты вєрӑт пєӆы сӑмӑӊа вәс. Щи ястӑӆ: 

- Ма ая вәӆмєм пурайн аӊкаӊкєм хущи ванкўтӆы вәсум. Ӆўв нємӆ Марфа Ефремовна вәс. Ён­тӑс­таӆн, мӑнєм ӆўв пўӊӆэ­ӆа вана омсӑӆӆӑӆэ па сух пўлыетн мӑӆӆэ ёнтӑсты щира. Тәхӑӆ пурайн сӑк кӑрӑтты вәнӆтӑӆӆэ. Тӑ­миты мин муӆтыкєм щос мӑр вєрӑнтман щи омӑс­сумн. Вәнашӑк вмєм пурайн вєрăнтты тӑхи пєӆы мєт сӑмӑӊа питсум. Колпашево вошн Томской областьн щащєм ими хущи вәӆмєм пурайн ху­дожественной ӑшколая ӊхсум. Щи пураятн шєӊк сӑмӑӊа сапӆа йир­ты шар­фӑт па носкет тый­сум. 8-мит классӑн вәнӆтыйӆ­мєм пурайн мӑ­нєма ван­сӑх тыйсум.

Надежда Александ­ровна Югорской го­су­дарственной универ­ситет ет­шуп­тӑсӆэ, педа­гог-пси­холог вән нє­пек ёша хо­ӆумтӑс. Икия мӑнӑс па няврємӑӊа йис па мєт ён­тӑсты-тыянты сӑмӑӆ ӆӑӊ­хаты питӑс. 
2006-мит оӆ вўш эӆты йис пурмӑсӑт шавиты «Торум Маа» музейн рәпитты питӑс, тӑм пўш хәс тӑӆа щи йис. Щи пура вўш эӆты хӑнты аканят хӑншӑӊ па пӑнтӑӊ рнасн ёнтты питӑс. Ӆўв Людми­ла Зубакина (Гришкина) имаяӆн нётса, аӆьса, муй щирн тәсыева пӑнтӑт па хӑншет рнаса ёнтты. Надежда арсыр хурамӑӊ тўтщаӊ хирӑт нәй эӆты ёнтӑс.

Мєт оӆӑӊ ӆўв Юлия эвие­ӆа хӑнты рнас ён­тӑс. Щи пийн па музейн рәпит­ты нєӊӆаӆ хӑнты р­насӑт, щӑшкан сӑхӑт мӑн­шиты па нётты питӑс. Хә хуятӑта хурамӑӊ нәй кўвщӑт ёнтӑс. Ин музейн рәпитты хә ёх ӆўв ёнтум кўвӑщӆаӆн әмщиӆуман щи ӊхӆӑт.

Хән музей хущи 2014-мит оӆн «Хӑнты ими хот» тӑхи рәпитты питӑс, ӆўв  ён­тӑсты нєӊӑта нётты питӑс. 

Йис пурмӑсӑт шавиты «Торум Маа» музей хущи семинар хўӆ сух эӆты ай няврєм кащиет ёнтты, хурамӑӊ карты сэвӑт ӆэ­щӑтты вәнӆтӑс.  
Музейн Гришкин рәт ӆєрӑт щирн вән ванӆтуп­сы вәӆум пурайн щӑта Надежда ёнтум сыр-сыр пурмӑсӑт па ванӆтӑсайт.  
2024-мит оӆн йис пурмӑсӑт шавиты «Торум Маа» музейн «Хӑнты ими хот» студия вєрăнтты ёх ар оӆ мӑр ёнтум пурмӑсӑт вән ванӆтупсыя ӑкӑтсайт. Щӑта Надежда Александровна ёнтум ар пурмӑсӑт па вәсӑт.
Тӑм апрӑӊа вєрăнтты нєӊие ёнтум пурмӑсӆаӆ пиӆа сыр-сыр кӑсупсэта, ванӆтупсэта Россия па па хон пєлӑкн ванӆтӑты хӑрӑта ӊхӑс. Щит вўраӊӑн ар ишӑк нєпекӑтн мойӆӑса.  

Тӑм мосванӑн Надежда Александровна сєма пи­тум хӑтӆӑӆ вәс. Тӑӆаӊ ёш, тӑӆаӊ кўр нӑӊена, ешӑк хуятые! Тумтака, уяӊа рәтӆан пиӆа вәӆа! Сӑмӑӊа тӑйты ёнтӑсты вєрэн щирн ар хӑнты пурмӑс па ёнта! м нумӑс!

Путӑр хӑншӑс: 
Наталья Краснопеева