Евгений Максимович Молданов 1957-мит оӆән Сўмәтвош (ин Нуви сӑӊхәм) район Тюменской область Вўтвошән сєма питәс. Ӑшкола йєтшәм йўпийән Ромашево көртән вөӆты училищайа мӑнәс, «тракторист-ма­шинист широкого профиля» специальность пирыйәс. 

1976–1979-мит оӆәтән советской армийайән вөс, мўв ӆавәӆты Беларусь мў­ва китыйәӆса. Щи йупийән йэша нефть па газ кӑншты партийа хуща рөпитәс, щӑӆта Амња во­ша вөӆты мӑнәс, щӑта сов­хозән тракториста вөс. Ин­тӑм пенсия вўша питәс.  

Касәм йухан

Касәм йухан йиӊкийэнән,
Оӆ мăр ма щи ӆапәтӆайәм.
Щи хурасәп йăм йуханән,
Ӆўӊ мăр хопән кўвлыӆайәм.

Касәм вош

Амња йухан Касәм вошэв,
Ар мир єнмәм йємәӊ вошэв.
Вөӆты вєрӆаӆ хўва төӆ,
Мўв хўват сыйәӆ вөӆ.

Хопийэ

Айа вөӆтэн вўш эвәӆт,
Хопән йăӊхты вөнәӆтыӆа,
Йăма вөӆты вөнәӆтыӆа.
Вөна йитэн йўпийән,
Хопэн хумлы хопа щи йиӆ.
Хопийэт па өхӆыйэт
Ар хурасәп хопийэт,
Ар хурасәп өхӆыйэт.
Вой-хўӆ вэӆпәсӆәты хопәт,
Пурмәс төты сыр-сыр өхӆәт.

Хўӆәӊ њањ

Хўӆәӊ њањ ки ӆавәнтсән,
Ăн хөн вөӆэн єпӆыйэӆ.
Муй хурасәп йис имийән,
Хўӆәӆ њања пунмаӆ?

*** 
Катра вөӆәм йохӆам лупӆәт,
Муй хурасәп көрт хăрэн,
Щи хурасәп ӆыпи тăхэн.
Көрт хăрэн ки ăн йовәӆӆэн,
Ӆыпи тăхэн щирән муй?

(Путăрӊăн йиӆуп алфавит щирн хăншман вәӆӆăӊăн)

Ирина Молданова