Рўтьщӑты хӑтӆӑтн па мӑӊхӑтӆ пурайн рәпатаев щиты вєрты па ӆэщӑтты мосӆ, ӆәӆн кәртӑӊ па мойӊ ёхӆўва тыв әмӑщ юхӑтты ат вәс. Кәртӑӊ мириев па мойӊ ёхӆўв юхӑтӆӑт, ӆәӆн йис катра пурмӑсӑт вантты па уша вєрты, муйсӑр мир тӑта катра пурайн вәсӑт.  

Касум вошевн рўтьщӑ­ты хӑтӆӑтн па мӑӊ­хӑтӆӑт пурайн кўлупн, «Касум ёх» музейн, кини­ка тӑйты хотн мўӊ мирев пӑта арсыр ванӆтупсэт ӆэщӑтӆыйт.  
Юхтум хӑннєхуятӑт, мойӊ ёх арсыр ванӆтупсэт вантӆӑт, няврємӑт арсыр мир юнтутӑтн юнтӆӑт.  

Рўтьщӑты хӑтӆӑт па йиӆуп оӆ мӑӊхӑтӆӑт пурайн «Касум ёх» кат­ра пурмӑсӑт ӆавӑӆты па шавиты тӑхийн «Ма моньща эвӑӆӆум» хӑн­ты моньщ нємпи вєр вє­рӑнтӆы. 
Арсыр әмӑщ вєрӑт тӑм хӑнты моньщӑӊ утӑт мира ванӆтӑты пӑта вәӆӆӑт. 

Вәнтӑн кўрӑӊ ӛш хўват шәш­ман арсыр моньщ утӑт нынана ӆикумӆӑт. 
Ими-хиӆы путӑртӑӆ, муй вєрты мосӆ, ӆәӆн еӆӆы мӑнты па хуйтат тўӊщирӑӊа муй тәса кўсы юнтӆӑт па па юнтутӑт тәса вєрӆӑт, нохӑр ёша павӑтӆӑт. 
Тәп моньщӑт хуща атум утӑт ищи вәӆӆӑт. Еша па кўр ӛшн мӑнӆӑн, ещаӆт кӑт вән мєӊкӊӑн єтӆӑӊӑн, ӆын ёха кӑсупсы вєрӆӑ­ӊӑн, сора ӆухн хәхӑӆты мосӆ, сора ки тывӆ, мєт м, муӆтыйн щи мойӆӑӆыйн.

Щӑӆта еша вәӆман мєт пакӑнты моньщ ими, щит кӑр ими па итәх пу­райн ӆон вєрты ими щи юхӑтӆӑӊӑн, муӆты атум пакумты вєрӑт партӆӑӊӑн вєрты, ӆєпӑӆтыйӆӆӑ­ӊӑн, партӆӑӊӑн атӆӑн ӆон вєр­ты, сыйӊа навӑртты па якты, щиты няврємӑт па вән ёхӆаӆ пиӆа юнтӆӑӊӑн.
Шай яньщты хотн мир шайн яньщӆтӑӆыйт. Щӑӆ­та путӑртӆы, муй йис вә­ӆупсыйн хӑнты мир вєр­сӑт, мәша ки йисӑт, пур­тән ӑнтәм пурайн. Хӑнты мириев вәӆӑт, муйсӑр шай вєрты мосӆ, ӆәӆн ӆаӆты тўр мәш мӑӆты муй па па мәш. Сэвупсы тєпл мәшн нётӆ. Мойӊ хуятӑт арсыр єпӆӑӊ турн шай яньщӆӑт, ӆывеӆа путӑртӆы, муй вўрн воньщумутӑӊ лыптӑт ӑкатты па шави­ты, муй вўрн воньщумутӑт кавӑртты па муӆты сыр-сыр щира вєрты. Вошӑӊ мир амӑтӆӑт, там йисн ар­сыр мәшӑт эвӑӆт турнӑӊ шай, – щит мєт вән вєр. 

Ма нумсєм щи ӆӑрийӆ, муй ӆампа нумсӑӊ мўӊ ёхӆўв, муй ӆампа мўӊ увӑс мириев щимӑщ ар митра тӑйӆӑт.
«Прометей» нємпи куль­тура хот йиӆуп оӆ рўть­щӑты хӑтӆӑтн рәпитӑс, щӑта мӑӊхӑтӆӑт пурайн «Хән ущхўӆь вєрӑт юхӑт­ӆӑт» әмӑщ етнхот ӆэщӑтсы.  
Киника ӆўӊӑтты хотн арсыр вєрӑнтты хӑрӑт вє­рӑнтсыйт, ӆўӊӑтты етн­хотӑт ӆэщӑтыйӆсыйт. Няврємӑт стихӑт па путрӑт путӑртсӑт, хурамӑӊ хурӑт хӑнты моньщ оӆӑӊӑн хӑншсӑт, итәх пурайн муӆты ёнтсӑт, хурамӑӊ мойӆупсэт вєрсӑт. 

Ӆӑӊхаӆум лупты, рә­питты ёх ар вєрӆӑт, ӆәӆн кәртӑӊ па мойӊ мира мўӊ хущева әмӑщ ӊхты ат вәс.
м нумӑсӆўв еӆӆы тәӆ­ӆўв. Тӑӆаӊ ёш, тӑӆаӊ кўр! Нынана тӑм йиӆпа юхтум оӆ пӑта вән вўща ясӑӊ китӆўв!

Путӑр хӑншӑс: 
Светлана Рандымова